ჩემი პატარა, მამაცი გოგო - ამ სახელწოდებით იხილა დღის სინათლე ამერიკელი მსახიობისა და მომღერლის - ჰილარი დაფის პირველმა საბავშვო ილუსტრირებულმა წიგნმა, რომლის ინსპირაციის წყაროც დაფის პატარა ქალიშვილი გახდა. სიახლის შესახებ საკუთარი Instagram გვერდის საშუალებით თავად ვარსკვლავმა გვამცნო.
33 წლის ჰილარი უკვე 2 შვილის დედაა. მას შემდეგ, რაც პატარა ბენკსი შეეძინა, მსახიობს ცხოვრების ჩვეულ რითმში დაბრუნება საკმაოდ გაუჭირდა, თუმცა სამსახურში გასვლა მაშინ მოუწია, როდესაც მისი ქალიშვილი ჯერ კიდევ 4 თვის იყო.
დაფი ერთ-ერთ ინტერვიუში იხსენებს, როგორ ბრუნდებოდა სახლში ბენკსის ღამის ჭამის წინ და როგორ ეჭირა ხელში თავისი პატარა გოგონა.
ვიცოდი, რომ ძუძუთი კვებას მალე დაანებებდა თავს და ცოტა დრო მქონდა დარჩენილი ამ ფენომენალური გამოცდილების მისაღებად. ვგრძნობდი, რომ მალე ის დამოუკიდებელი გახდებოდა და პატარა, მამაც გოგოდ გადაიქცეოდა.
მსახიობმა წიგნის წერა საკუთარ ტელეფონში, მოკლე იდეების მონიშვნით დაიწყო. ჩანაწერებს ძირითადად ღამე, ძილის წინ აკეთებდა და ვერაფრით წარმოიდგენდა, რომ მის წარმოსახვაში დაწერილი ისტორია სხვადასხვა ოჯახებში იმოგზაურებდა და ბევრი პატარა გოგონასთვის გახდებოდა შთაგონების წყარო.
იმედი მაქვს ეს წიგნი ბევრი გოგონას ინსპირაცია გახდება. მინდა, რომ მათ საკუთარი გონების განსაკუთრებულობა დაიჯერონ!
დაფის ილუსტრირებული საბავშვო წიგნი მაღაზიებში 23 მარტს გამოჩნდება, მსახიობის რანგში კი ჰილარის უახლოეს პერიოდში, Lizzie McGuire-ის განახლებულ ვერსიაში ვიხილავთ.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
