უკვე წელიწადზე მეტი გავიდა მას შემდეგ, რაც უცნობი ვირუსი ჩინეთში, ქალაქ ვუჰანში პირველად დაფიქსირდა. სანამ სამყარო გონს მოეგო, Covid-19-მა მთელი მსოფლიო მოიარა. მსგავს სიტუაციაში კი ყველა სოციალური საფეხური ერთნაირად უძლურია. The Diary იმ ვარსკვლავების ჩამონათვალს გთავაზობთ, რომლებსაც კორონა ვირუსთან ბრძოლა მოუწიათ.
ტომ ჰენკსი და რიტა უილსონი
Hollywood-ელ მსახიობებს - ტომ ჰენკსსა და რიტა უილსონს Covid-19 ვარსკვლავებს შორის პირველებს დაუდასტურდათ. 2019 წლის 11 მარტს საკუთარი გამოცდილება ჰენკსმა Instagram-ის პოსტის საშუალებით, ავსტრალიიდან გაგვიზიარა, სადაც მსახიობი ელვის პრესტლის შესახებ ბიოგრაფიული ფილმის გადაღებებზე მუშაობდა.
თავი შეუძლოდ ვიგრძენით, როგორც ეს გაციების დროს ხდება ხოლმე. რიტას ტემპერატურაც მაღალი ჰქონდა
ტომი საზოგადოებას განახლებულ ინფორმაციას ყოველდღიურად აწვდიდა. წყვილი საავადმყოფოდან სახლში 16 მარტს გაწერეს. ამერიკის შეერთებულ შტატებში დაბრუნებამდე ისინი ავსტრალიაში საკუთარ საცხოვრებელს დაუბრუნდნენ.
იდრის ელბა
ჰენკსების ოჯახის შემდეგ, სოციალურ მედიაში პოსტი ასევე მსახიობმა - იდრის ელბამ გამოაქვეყნა, რომელსაც Covid-19 ინფიცირებულთან გადაღებებზე ჰქონდა კონტაქტი. 2 დღეში მას კორონა ვირუსი დაუდასტურდა.
ჰიუ გრანტი
ახალი კორონა ვირუსი ასევე ბრიტანელ მსახიობს - ჰიუ გრანტს დაუდასტურდა. Notting hill-ის ვარსკვლავსა და მის მეუღლეს ვირუსი ჯერ კიდევ გასული წლის ზამთარში აღმოაჩნდათ. ჰიუმ იმ უცნაურ სიმპტომებზეც ისაუბრა, რომლებიც დაავადებას ახლდა თან.
ჩემს შემთხვევაში ყველაფერი ოფლიანობით დაიწყო. მოგვიანებით თვალების შეშუპება დამეწყო და ყველაფერი ეს იმის ფონზე, თითქოს დიდი ზომის მამაკაცი მედგა გულ-მკერდზე და სუნთქვა მიჭირდა
ჩარლი ჰანემი
კორონადალეულთა სიას ცნობილი ტელესერიალის - Sons of anarchy-ის მთავარი როლის შემსრულებელიც დაემატა. ჯიმი ქიმელის შოუში ჩართვისას ჩარლი ჰანემმა საკუთარი გამოცდილების შესახებ ისაუბრა. მსახიობს და მის მეორე ნახევარს ვირუსი ჯერ კიდევ პანდემიის საწყის ეტაპზე შეეყარათ. ჩარლის ეჭვი მას შემდეგ გაუჩნდა, რაც დილით, საუზმის მომზადებისას ყავის სურნელი ვერ იგრძნო. მსახიობმა ყნოსვისა და გემოს შეგრძნება 10 დღით დაკარგა.
პრინცი უილიამი და პრინცი ჩარლზი
აპრილის თვეში აღმოაჩნდა Covid-19 პრინც უილიამსაც, თუმცა მისი ავადმყოფობის შესახებ საზოგადოებისთვის ცნობილი რამდენიმე თვეში გახდა. ამავე დროს დაუდასტურდა ვირუსი უილიამის მამას - პრინც ჩარლზსაც.
ქლოე კარდაშიანი
კოვიდ ინფიცირებულთა სიაში ასევე კარდაშიანების ოჯახის ერთ-ერთი წევრი ჩაეწერა. ქლოე კარდაშიანის ინტერვიუ KUWTK-ის ახალი სერიის პრომოში გამოჩნდა, სადაც ის საკუთარი სიმპტომების შესახებ გვიყვება.
პირველი რამდენიმე დღე ძალიან რთული აღმოჩნდა. საშინლად მახველებდა, ხან მცხელოდა, ხან მციოდა. ჩემს ოთახში ვარ გამოკეტილი. ძალიან გამიჭირდა, მაგრამ მჯერა, რომ ამ ყველაფერს გადავლახავთ
ქანიე უესტი
Covid-19-თან შეხება კარდაშიანების ოჯახის კიდევ ერთ წევრს მოუწია, თუმცა კიმ კარდაშიანი ინფიცირებული თავად არ ყოფილა. ვირუსი ამერიკელ რეპერს - ქანიე უესტს დაუდასტურდა, კიმი კი მეუღლეს (სავარაუდოდ უკვე ყოფილს) ავადმყოფიბის დროს უვლიდა.
ხელთათმანებით, ნიღბით და ფარით აღჭურვილი ვუცვლიდი თეთრეულს და ვეხმარებოდი ლოგინიდან ადგომაში. ამ დროს ძალიან მეშინოდა
კრიშტიანუ რონალდუ
ცნობილ ფეხბურთელს - კრიშტიანუ რონალდუს კორონა ვირუსი 2020 წლის ოქტომბერში დაუდასტურდა. მნიშვნელოვანი თამაშის წინ ვარჯიშის დროს სპორტსმენი ცუდად გახდა, რის შემდეგაც ტესტი გაუკეთდა და იზოლაციაში გადავიდა. დადებითი პასუხის მიღების შემდეგ, ფედერაციამ ტესტი რონალდუსთან კონტაქტში მყოფ ყველა ფეხბურთელს გაუკეთა. საბედნიეროდ კოვიდ დადებითი არც ერთი მათგანი არ აღმოჩნდა.
დონალდ ტრამპი
ამერიკის აწ უკვე ყოფილი პრეზიდენტი კი საზოგადოებას ტრადიციულად Twitter-ის საშუალებით გამოეხმაურა. დონალდ ტრამპმა დაადასტურა, რომ ის და მისი მეუღლე კორონა ვირუსით დაინფიცირდნენ.
ტიფანი ჰადიში
ამერიკელმა კომიკოსმა - ტიფანი ჰადიშმა კორონა ვირუსზე ტესტი 12-ჯერ გაიკეთა. მსახიობი ფილმის გადაღებებში მონაწილეობდა, როდესაც Covid-19 გადამღები ჯგუფის ერთ-ერთ წევრს დაუდასტურდა. გადაღებები გაჩერდა, მსახიობები კი თვითიზოლაციაში გადავიდნენ. პირველმა ტესტმა ტიფანის უარყოფითი პასუხი აჩვენა, მოგვიანებით კი მსახიობს ვირუსი დაუდასტურდა. კარანტინის დასრულებამდე მეტი სიმშვიდისთვის ტიფანიმ განმეორებითი ტესტი 12-ჯერ გაიკეთა.
Covid-19-ით ინფიცირებულთა შორის ასევე მოხვდნენ რობერტ პატინსონი, დუეინ ჯონსონი, კომიკოსი - კევინ ჰარტი, ანტონიო ბანდერასი, მელ გიბსონი, ჩოგბურთელი - ნოკავ ჯოკოვიჩი, ანდრეა ბოჩელი და სხვა ცნობილი სახეები.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
