ბრიტნის შესახებ ისევ მთელი მსოფლიო საუბროს, თუმცა 2000-იანი წლებისგან განსხვავებით, პოპ მომღერლის მისამართით ლაფის სროლის ნაცვლად, ჟურნალისტები ბოდიშებს იხდიან. მათთან ერთად კი ცოდვების მონანიება ჯასტინ თიმბერლეიკს უწევს.
ბრიტნი სპირსის შესახებ გადაღებული დოკუმენტური ფილმი იმ პერიოდს ასახავს, როდესაც ყვითელმა მედიამ ახალგაზრდა მომღერლის კარიერისა, თუ პირადი ცხოვრების ნგრევაში დიდი როლი ითამაშა. ზემოთხსენებულ პერიოდს კი 2007 წელს მომღერლის ნერვული აშლილობა მოჰყვა, რამაც სპირსის კარიერას ფაქტიურად წერტილი დაუსვა.
Framing Britney Spears მომღერლის ცხოვრების, ინტერვიუების, თუ პაპარაცულ კადრებს მოუცავს, სადაც აშკარად ჩანს ის ზეწოლა, რომლის ქვეშაც ახალგაზრდა ვარსკვლავი წლების მანძილზე ექცეოდა. მისი ობიექტიზაცია Hollywood-ურმა მედიამ ჯერ კიდევ თინეიჯერობის ასაკში დაიწყო. ამ თემით სპეკულირება კი მას შემდეგ გახშირდა, რაც მომღერალმა ქორწინებამდე ქალიშვილობის სენარჩუნების სურვილი გამოთქვა, მოგვიანებით კი გამოტყდა, რომ პირობა შეყვარებული მომღერლის - ჯასტინ თიმბერლეიკის გამო დაარღვია.
წყვილის დაშორების შემდეგ ჯასტინს მისი და ბრიტნის სექსუალურ ცხოვრებაზე არა ერთ ტელე, თუ რადიო გადაცემაში ულაპარაკია. მოგვიანებით თიმბერლეიკმა მუსიკალურ ვიდეოში Cry me a river ბრიტნის ღალატზეც კი მიგვანიშნა. ყოველივე ჩამოთვლილმა კი ახალგაზრდა ქალი ნერვულ აშლილობამდე, ალკო და ნარკო დამოკიდებულებამდე და შვილების დაკარგვამდე მიიყვანა. დოკუმენტური ფილმის გამოსვლის შემდეგ ჯასტინ თიმბერლეიკმა ბრიტნის ბოდიში საჯაროდ მოუხადა.
მუსიკოსმა ინსტაგრამზე პოსტი გამოაქვეყნა, სადაც წარსულში მისი საქციელის გამო წუხილს გამოთქვამს. მუსიკოსი პოსტში ჯენეტ ჯექსონსაც მოიხსენიებს, რომელიც ჯასტინმა Super Bowl-ზე ფაქტიურად წელს ზემოთ შიშველი დატოვა.
განსაკუთრებით მინდა მოვუბოდიშო ბრიტნი სპირსს და ჯენეტ ჯექსონს, რადგან ოროვე მათგანს პატივს ვცემ და ვიცი, რომ მათ იმედები გავუცრუე.
მომღერალთან ერთად ბრიტნის ბოდიშს მედია საშუალებები უხდიან, ტაბლოიდები, რომლებმაც მუსიკოსის ცხოვრება ჯოჯოხეთად აქციეს, ხოლო მისი თითოეული ნაგიჯი საყოველთაო განხილვის საგნად გახადეს. ოფიციალური ბოდიშის პოსტი გამოაქვეყნა Glamour Magazine-მაც, რომელიც მომღერლის წარუმატებლობაში თავს დამნაშავედ აცხადებს.
ფილმში ასევე დეტალურადაა განხილული სასამართლოს ის ბრძანება, რომლის მიხედვითაც მომღერლის ფინანსებს და ცხოვრების დიდ ნაწილს 2008 წლიდან მოყოლებული ჯეიმი სპირსი - ბრიტნის მამა განაგებს. სხვათაშორის გასულ ხუთშაბათს სასამართლო განხილვაზე მოსამართლემ ჯეიმი სპირსის მოთხოვნა არ დააკმაყოფილა, რომლის მიხედვითაც ის ბრიტნის ქონების წარმართვას 100%-ით ითხოვდა. მედიაში თვლიან, რომ დოკუმენტალური ფილმი სპირსს არა მხოლოდ რეპუტაციის აღდგენაში, არამედ საკუთარი ფინანსების განკარგვის უფლების დაბრუნებაშიც დაეხმარება.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
