ყოფილ ქმართან დაშორების შემდეგ, კორტნი კარდაშიანის ცხოვრებაში მამაკაცი პირველად გამოჩნდა. რეალითი შოუს ვარსკვლავი ცნობილი პანკ-როკ ჯგუფის - Blink 182-ის ყოფილ დრამერს ხვდება. ინფორმაცია ოფიციალურმა წყარომ რამდენიმე დღის წინ დაადასტურა.
ისინი წლების მანძილზე მეგობრობდნენ და უკვე რამდენიმე თვეა ერთმანეთს ხვდებიან.
წყვილის შესახებ მითქმა-მოთქმა ცოტა ხნის წინ ატყდა, როდესაც კორტნიმ და ტრევის ბარკერმა სოციალურ მედიაში კრის ჯენერის 12 მილიონ დოლარად შეფასებული ვილიდან აუზზე გადაღებული ფოტოები გამოაქვეყნეს. კარდაშიანების თაყვანისმცემლებს არც ტრევისის სოციალურ მედიაში აქტიურობა გამოჰპარვიათ. ტრევისი პერიოდულად კორტნის ფოტოებზე კომენტარებს ტოვებდა, რამაც მათი ურთიერთობის შესახებ ეჭვები კიდევ უფრო გაამყარა.
წყვილი წლების მანძილზე ერთ წრეში ტრიალებდა. ტრევისი და კორტნი კალაბასასში ერთ უბანში ცხოვრობენ, მუსიკოსის 15 წლის ქალიშვილი კი კარდაშიან-ჯენერებთან მეგობრობს. ბარკერი წლების წინ პერის ჰილტონსაც ხვდებოდა. სწორედ მაშინ გაიცნო კორტნის და - კიმ კარდაშიანი.
კორტნისთვის ექს მეუღლესთან - სკოტ დისიკთან დაშორების შემდეგ ეს პირველი სერიოზული ურთიერთობაა. ტელე ვარსკვლავს წინა ქორწინებიდან 3 შვილი ჰყავს. რაც შეეხება ბარკერს, მას და ყოფილ მის ამერიკას - შანა მოკლერს 2 შვილი ჰყავთ, თუმცა მუსიკოსს გერთანაც ახლო ურთიერთობა აქვს.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
