57 წლის ნიკოლას ქეიჯი 26 წლის რიკო შიბატაზე დაქორწინდა. ინფორმაცია ოფიციალურმა წყარომ რამდენიმე დღის წინ დაადასტურა, თუმცა ქორწილი ჯერ კიდევ 16 თებერვალს, ნევადის შტატში - ლას ვეგასში გაიმართა.
წყვილმა მნიშვნელოვანი თარიღი ქეიჯის მამის - აუგუსტ კოპოლას პატივსაცემად შეარჩია. 16 თებერვალი მისი დაბადების დღეა. ცერემონია ახლო მეგობრების წრეში, ლას ვეგასის ერთ-ერთ ცნობილ სასტუმროში გაიმართა. პატარძალმა იაპონელი დიზაინერის ხელით შექმნილი, შავი საპატარძლო კიმონო მოირგო, ქეიჯი კი ტომ ფორდის ფრაკში იყო გამოწყობილი.
პატარძალი საკურთხეველთან საყვარელი სიმღერის - Winter song ფონზე მივიდა. წყვილმა კათოლიკური ტრადიციის მიხედვით ფიცები წარმოთქვეს. ცერემონიის შემდეგ, სტუმრებისთვის მცირე მიღება გაიმართა, რომელსაც ასევე ქეიჯის ყოფილი ცოლი და ახლო მეგობარი - ალის კიმი და მათი საერთო ვაჟი - კალი ესწრებოდნენ.
წყვილმა ერთმანეთი დაახლოებით ერთი წლის წინ, იაპონიაში გაიცნო. ნიშნობის შესახებ ჭორები ნიკოლას ქეიჯმა თავის ძმასთან - მარკ კოპოლასთან რადიო ინტერვიუს დროს დაადასტურა.
ის ნიუ იორკიდან იაპონიაში დაბრუნდა, მეც ნევადაში წამოვედი. ერთად გატარებული დრო საოცარი იყო. ორივე ვგრძნობდით ამას. ჰოდა, ვუთხარი, შენი ცოლად მოყვანა მინადთქო და FaceTime-ით დავინიშნეთ.
ქეიჯმა ნიშნობის ბეჭდის შესახებ დეტალებიც გაგვიზიარა. აღმოჩნდა, რომ მისი რჩეულის საყვარელი ფერი შავი გახლავთ, ამიტომ ნიშნობის ბეჭედი სპეციალურად მისი გემოვნებით, შავი ოქროსა და შავი ბრილიანტისგან შეიქმნა, იაპონიაში კი Fedex-ის საშუალებით გაიგზავნა.
26 წლის რიკო შიბატაზე ქორწინება ქეიჯისთვის რიგით მეხუთეა. მსახიობი წარსულში მსახიობ პატრიცია არკეტზე, შემდეგ ლიზა მერი პრისლიზე, ელის კიმსა და ბოლოს ერიკა კიოკეზე იყო დაქორწინებული.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
