მისი ფილმები ნებისმიერი გემოვნების მქონე კინო მოყვარულების მოკლე სიაში ხვდება. ის ერთდროულად ხალისიანი, ჭკვიანი, სევდიანი, ზედაპირული და ამავდროულად ძალიან ემოციურია. ოსკაროსანი სანდრა ბულოკის კინო კარიერა მრავალფეროვანი, საინტერესო და ფასდაუდებელია. თუმცა, არ ჩათვალოთ, რომ ქალი, რომელიც საკუთარ პირადზე ღიად ხშირად არ საუბრობს, თაყვანისმცემლების ნაკლებობას უჩივის, ან წარსული ურთიერთობების ვრცელი ჩამონათვალით ვერ დაიკვეხნის. 56 წლის ბულოკი 2 შვილს ზრდის. მსახიობი უკვე 6 წელია მეორე ნახევართან - ბრაიან რენდალთან ერთად ცხოვრობს, თუმცა წყვილს ურთიერთობა არ დაუკანონებია.
Happy End-ამდე ბალოკმა უკან არა ერთი წარუმატებელი, ხანმოკლე, ჩახლართული, თუ მსუბუქი ურთიერთობა მოიტოვა. The Diary ცნობილი მსახიობის სასიყვარულო სიას გთავაზობთ.
1.
ტეიტ დონოვანი
ტეიტ დონოვანი და სანდრა პირველად ერთმანეთს 1990 წელს, ფილმის Love Potion No. 9 გადასახებ მოედანზე შეხვდნენ. წყვილმა შეხვედრა ნალევე დაიწყო. დონოვანს მსახიობის პირველ Hollywood-ურ სიყვარულად მოიხსენიებენ. წყვილმა ერთად 4 წელი გაატარა და 1994 წელს დაშორდა. ტეიტმა მალევე შეხვედრა ჯენიფერ ანისტონთან დაიწყო.
2.
დონ პადილა
1995 წელს ფილმის - The Net პრემიერაზე ბულოკი კინო ტექნიკოსთან - დონ პადილასთან ერთად გამოცხადდა. ტაბლოიდები წერდნენ, რომ დონოვანთან დაშორება მსახიობს სწორედ პადილასთან ურთიერთობამ გადაატანინა. მიუხედავად იმისა, რომ სანდრას ჭორები არ დაუდასტურებია, მოგვიანებით ის ერთ-ერთ ინტერვიუში გამოტყდა, რომ ბოლო 10 თვის მანძილზე მის ცხოვრებაში მნიშვნელოვანი მამაკაცი არსებობდა. 1997 წელს ერთ-ერთმა ცნობილმა გამოცემამ სტატია ბულოკის პროფესიული და პირადი პრობლემების შესახებ გამოაქვეყნა. ვარაუდობენ, რომ წყვილი ერთმანეთს სწორედ ამ პერიოდში დაშორდა.
3.
მეთიუ მაკკონაჰი
სანდრა ბულოკის ერთ-ერთი ოქროს წესი, ფილმის თანავარსკვლავებთან დისტანცირებაა. ამ მიდგომით მსახიობი გადაღებების დროს კონცენტრირებას და არეული ურთიერთობების თავიდან აცილებას ცდილობდა. მიუხედავად ამისა, A Time to Kill სანდრასთვის ახალი ურთიერთობის საწყისი აღმოჩნდა, რომელმაც სულ რაღაც 2 წელი გასტანა. ამბობენ, რომ მეთიუ მაკკონაჰიმ და სანდრამ შეხვედრა გადაღებების დაწყებიდან რამდენიმე კვირაში დაიწყეს. ვარსკვლავებს ინფორმაცია არასდროს დაუდასტურებიათ, მაგრამ როდესაც სანდრას მიმართ დასმულ შეკითხვაში ჟურნალისტმა მაკკონაჰი მისი ყოფილი ბოიფრენდის სახელით მოიხსენია, ბულოკს უარყოფა არ უცდია.
4.
ბობ შნაიდერი
1999-2000 წლებში ბულოკი ტეჰასელ მუსიკოსს - ბობ შნაიდერს ხვდებოდა. მისი რამდენიმე ნამუშევარი ბულოკის ფილმების საუნდტრეკებადაცაა გამოყენებული, თუმცა სანდრას დაკავებული გრაფიკისა და მუსიკოსის პროფესიული გეგმების გამო, წყვილი ერთმანეთს მალე დაშორდა.
5.
რაიან გოსლინგი
სანდრამ და რაიან გოსლინგმა ერთად ფილმზე - Murder by Numbers იმუშავეს. ერთ-ერთი ინტერვიუს დროს ჟურნალისტმა ბულოკს ჰკითხა, იყვნენ თუ არა ისინი “მხოლოდ მეგობრები”. ვარსკვლავმა შეკითხვას პასუხი ჩვეული ორაზროვანი დატვირთვით, თუმცა ხუმრობანარევი ტონით გასცა:
ჩვენ მეგობრები ვართ. თუ ამ ფრაზას სიტყვა “მხოლოდ”-ს დავამატებ, მოვიტყუები. ამიტომ, ვიტყოდი, რომ ჩვენ მეგობრები ვართ.
6.
ჯესი ჯეიმსი
ბულოკის ცხოვრებაში ერთ-ერთი ყველაზე მნიშვნელოვანი ურთიერთობა 2005 წელს დაიწყო. მსახიობმა ცნობილი ტელე სერიალის - Monster garage-ის ვარსკვლავზე - ჯესი ჯეიმსზე იქორწინა. რამდენიმე წლის მანძილზე მსახიობები Hollywood-ის ერთ-ერთ ფავორიტ წყვილად ითვლებოდნენ, თუმცა ბედნიერებამ მხოლოდ 5 წელი გასტანა. მას შემდეგ, რაც ბულოკმა კინოაკადემიის ჯილდო მოიგო, მსახიობის ოჯახმა ნგრევა დაიწყო. გაირკვა, რომ ჯეიმსი ცოლს პერმანენტულად ღალატობდა და ამის შესახებ ბულოკის თითქმის ყველა მეგობარმა იცოდა. ამავე წლის აპრილში სანდრამ საზოგადოებას თავისი ვაჟი გააცნო, რომლის შვილად აყვანის პროცესიც ჯეიმსთან ერთად დაიწყო, თუმცა მარტოხელა დედის სტატუსით დაასრულა.
7.
რაიან რეინოლდსი
ყვითელი პრესა ბულოკისა და რეინოლდსის რომანის შესახებ აქტიურად წერდა, თუმცა ეს ის შემთხვევაა, როდესაც ქალსა და მამაკაცს შორის ქიმია მხოლოდ ეკრანზე ტრიალებს. სინამდვილეში მსახიობები დღემდე ახლო მეგობრები არიან, რაიანი კი ცოლის - ბლეიკ ლაივლის ერთგული ქმარია.
8.
კრის ევანსი
ეს ნამდვილი მეგობრობაა! სანდრამ კრის ევანსის შესახებ ერთ-ერთ ინტერვიუში იხუმრა კიდევაც, რომ ყვითელი მედია მოვლენებს ჩამორჩა:
ჩვენ უკვე ვიქორწინეთ და ოჯახიც დავანგრიეთ. ახლა ვცდილობთ მეგობრებად დავრჩეთ. ეს როგორ გამოგეპარათ?
ევანსი კი მოგვიანებით გამოტყდა, რომ ბულოკი მისი ერთ-ერთი პირველი სელებრითი “ქრაში იყო, თუმცა დიდი ხნის წინ, 7-8 წლის ასაკში.
9.
ბრაიან რენდალი
სასიყვარულო ურთიერთობებისგან შესვენების და შვილებთან გატარებული რამდენიმე წლის შემდეგ, ბულოკმა პირველი ნაბიჯი 2015 წელს გადადგა. მსახიობმა ფოტოგრაფი - ბრაიან რენდალი თავისი ვაჟის - ლუის დაბადების დღეზე გაიცნო. რენდალი დაბადების დღეზე დაქირავებული ფოტოგრაფის რანგში იყო მოწვეული. წყვილის ურთიერთობა დღემდე გრძელდება, თუმცა სანდრა პირად ცხოვრებაზე ჟურნალისტებთან იშვიათად საუბრობს.
ზაკ ეფრონი იბიცაზე, აუზზე მომხდარი ინციდენტის შემდეგ საავადმყოფოში გადაიყვანეს. წყაროს ცნობით, ჰოლივუდელი მსახიობი, რომელიც ევროპაში ოლიმპიადის დაწყებიდან მოყოლებული იმყოფება, აუზიდან ორი პირის დახმარებით ამოიყვანეს.
წლების წინ, როცა სოციალური მედია არ არსებობდა, არც “გადახვევით” შეგვეძლო ტელევიზორის ყურება და ვერც დილით “დავგუგლავდით” გამარჯვებულების სიას, მილენიალები ერთ ღამეს ჩვენს მკაცრ მშობლებთან ერთად “ვათენებდით” და კინოაკადემიის დაჯილდოების ცერემონიალს (ქართული თარგმანით) დიდი მონდომებით ვუყურებდით. დღეს, ძილსაც სხვა ფასი აქვს და “ოსკარების” მნიშვნელოვანი მომენტების მიმოხილვასაც სულ რამდენიმე წუთი სჭირდება. თუმცა…
იმ ქალაქების შემოსავალი, რომლებიც Eras ტურნეს კონცერტებს მასპინძლობს, საღამოზე დასასწრებად ჩამოსული ასი ათასობით ტურისტის გამო ყოველდღიურად იზრდება. ფინანსური ანალიტიკოსები ვარაუდობენ, რომ მხოლოდ ამერიკის შეერთებულ შტატებში Eras ტურნე სამომხმარებლო ხარჯებით 5 მილიარდ დოლარს გამოიმუშავებს.
