ყველასათვის მოულოდნელად, დედაქალაქში უკვე მეორედ გაგვითოვდა. დაგვეთანხმეით, რომ ეს იმ გამონაკლისი დღეების რიცხვს განეკუთვნება, როდესაც ყველას სახლში მყუდროდ ჯდომა და ფანჯარასთან, რაიმე სასიამოვნოს წაკითხვის სურვილი გვიჩნდება. მაშინ, რაღას ველოდებით?! გადადეთ ყველა საქმე და რაიმე სასიამოვნოს კითხვას შეუდექით, ჩვენ კი The Diary-ს რჩეულ 10 წიგნს წარმოგიდგენთ, რომლებიც თოვლიან ამინდს განსაკუთრებით უხდება.
1. უკანასკნელი სიყვარული კონსტანტინოპოლში
ეს არის რომანი თავგანწირულ სიყვარულსა და სიძულვილზე, ღალატზე, ერთგულებასა და შურისძიებაზე, წარმატებასა და ბედნიერებაზე, ადამიანებზე, რომელთა სახეც „სუნთქავს – ის ჩაისუნთქავს და ამოისუნთქავს დროს“.
მილორად პავიჩი - უკანასკნელი სიყვარული კონსტანტინოპოლში
2. მზე, მთვარე და პურის ყანა (მანუშაკა მელოდება)
ცნობილი ქართველი რეჟისორის, თემურ ბაბლუანის „მზე, მთვარე და პურის ყანა (მანუშაკა მელოდება)“ სათავგადასავლო რომანია, რომელშიც აღწერილი ერთი თბილისელი ბიჭის დარდითა და ტკივილით სავსე ცხოვრების ამბავი ერთი ამოსუნთქვით იკითხება.
თემურ ბაბლუანი - მზე, მთვარე და პურის ყანა (მანუშაკა მელოდება)
3. ნადირობა ცხვარზე
"ნადირობა ცხვარზე" მურაკამისთვის ჩვეული ერთგვარი მისტიციზმით გაჯერებული წიგნია. გამართული სიუჟეტური ხაზი, მარტივი სიტყვები, მშვიდი თხრობა, განსაკუთრებული არაფერი... ეს ყველაფერი როგორღაც თავისთავად, იოლად აღიქმება, მაგრამ აი, სულ ორიოდე გვერდზე აღწერილი ფინალი, და... უცებ ქრება ყოველგვარი სიმარტივეც და უბრალოებაც.
ჰარუკი მურაკამი - ნადირობა ცხვარზე
4. სიყვარულის ორმოცი წესი
რომანი „სიყვარულის ორმოცი წესი“ ელიფ შაფაქის ინგლისურად დაწერილ მის სამ რომანთაგან ერთ-ერთია. სიუჟეტი კი შემდეგნაირად ვითარდება - თანამედროვე ამერიკელი ქალის ერთფეროვან ცხოვრებაში ქარიშხალივით შემოიჭრება ორი საოცარი და საოცნებო სამყარო: სიყვარული და... აღმოსავლეთი!
ელიფ შაფაქი - სიყვარულის ორმოცი წესი
5.სამხრეთული სპილო
„სამხრეთული სპილო“ ურბანული რომანია, რომელშიც მოქმედება ერთი დღის განმავლობაში ვითარდება. რეჟისორი, რომელიც კინოს აღარასოდეს გადაიღებს, თავის ბინას მეგობარს უთმობს იქ საყვარელ ქალთან შესახვედრად, თავად კი, დრო რომ გაიყვანოს, თბილისის ქუჩებში დაეხეტება.
არჩილ ქიქოძე - სამხრეთული სპილო
6. იისფერი
ელის უოკერის "იისფერში" მოქმედება ვითარდება ჯორჯიის შტატის ერთ-ერთ სოფელში. ორიგინალური ფორმითა და დიდი მწერლური ოსტატობითაა მოთხრობილი აფროამერიკელი ქალების მძიმე და წინააღმდეგობრივი ცხოვრება 1930-იან წლებში.
ელის უოკერი - იისფერი
7. წიგნი
"წიგნში" შედის სხვადასხვა ციკლის მოთხრობები. ამ მოთხრობებში მთელი ქართული ლიტერატურის ცნობილ პერსონაჟებს შეხვდებით. ოღონდ აქაური ლუარსაბ თათქარიძე ცოლის სიკვდილის შემდეგ ომში მიდის, ილია ჭავჭავაძე დოქტორ უოტსონს თარჯიმნობს, ვარსქენ პიტიახშის კუბოს მეფე ერეკლე და ვახტანგ გორგასალი ერთად მიჰყვებიან...
აკა მორჩილაძე - წიგნი
8. დედის რძე
თანამედროვე ლატვიელი მწერლის, ნორა იკსტენას „დედის რძე“ სულის შემძვრელი რომანია. სევდიანი და ამაღელვებელი, ლამაზი და მტკივნეული წიგნი შეულამაზებლად აღწერს, როგორია ცხოვრება საბჭოთა კავშირში, ან ნებისმიერი რეჟიმის პირობებში, რომელიც მარწუხებივით იმწყვდევს არა მხოლოდ ქვეყნების თავისუფლებას, არამედ ადამიანურ ურთიერთობებს.
ნორა იკსტენა - დედის რძე
9. ღმერთი სამსახურშია
დათო გორგილაძის მოთხრობების ყველა პერსონაჟი ხელშესახები და ნამდვილია. როგორც ფილმის საწყის ტიტრებში მიანიშნებენ ხოლმე – წიგნი რეალურ ამბებზეა დაფუძნებული, მაგრამ ავტორის ბრწყინვალე წარმოსახვის, ოსტატური თხრობისა და იუმორის წყალობით ეს რეალური ამბები ჩამთრევ თრილერად იქცევა, რომელიც ერთ ჩვეულებრივ კინოსეანსზე ნაკლებ დროში შეგიძლიათ წაიკითხოთ.
დათო გორგილაძე - ღმერთი სამსახურშია
10. ზარხუფი
„ზარხუფი“ ამერიკელი პოეტის, სილვია პლათის (1932-1963) ყველაზე ცნობილი პროზაული ტექსტია. რომანი, რომელიც დიდწილად ავტობიოგრაფიულია, 1963 წელს, ავტორის თვითმკვლელობამდე ერთი თვით ადრე გამოიცა ვიქტორია ლუკასის ფსევდონიმით.
სილვია პლათი -ზარხუფი
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
