ზოი კრავიცის, როგორც რეჟისორის სადებიუტო ფილმი “Blink Twice” P. Diddy-ის სკანდალის პერიოდში ბომბის აფეთქებასავით იყო. ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა, მსოფლიო საზოგადოების ყურადღება რეპერისა და მთელი ჰოლივუდის გარშემო დატრიალებული სკანდალის შემდეგ მიიპყრო.
სოციალურ მედიაში P. Diddy-ის პიროვნებასა და ჩენინგ ტატუმის პერსონაჟ, სლეითერ კინგს შორის პარალელს ავლებენ. ფილმის მთავარი გმირი, სლეითერ კინგი მილიონერი ბიზნესმენია, რომელმაც ერთ დღეს, ტელევიზიით განაცხადა, რომ სულიერი განწმენდის მიზნით წვეულებების ერას ასრულებს და ახლად შეძენილ კუნძულზე ამქვეყნიური ცოდვების განსაწმენდად მიდის.
სამყაროს მეორე მხარეს კი, ორი მიმტანი მეგობარია, ჯესი და ფრიდა. ფრიდას დიდი ხანია სლეითერ კინგი მოსწონს და ბიზნესმენის ყოველწლიურ გალაზე, სადაც მეგობრები მიმტანებად მუშაობენ, მის გაცნობასაც შეძლებს და კუნძულზეც ამოყოფს თავს.
გამოთქმა “Too good to be true” ხომ გაგიგიათ, სწორედ ასეთი იყო სლეითერ კინგის სტუმრების ყოველდღიურობა კუნძულზე. “სამოთხეში” ყოფნის, კაცმა არ იცის, რომელ დღეს, ფრიდა აღმოაჩენს, რომ სინამდვილეში კუნძულზე სლეითერ კინგი და კიდევ რამდენიმე მამაკაცი ნარკოტიკების ზემოქმედების ქვეშ მყოფ ქალებს აუპატიურებდნენ და მათზე ფიზიკურად ძალადობდნენ.
სლეითერ კინგის წვეულებებსა და P. Diddy-ს "Freak Off"-ებს შორის რამდენიმე მსგავსება შეიმჩნევა. პირველი თეთრი სამოსია. P. Diddy-ს წვეულებებიდან ფოტოებზე ჩანს, რომ მთავარი “თემა” ხშირად თეთრი სამოსი იყო და ცნობილი ადამიანებიც სულ თეთრებში გამოწყობილები დადიოდნენ. ზოი კრავიცის ფილმის პერსონაჟებიც ყოველდღე თეთრი აცვიათ. საინტერესო დეტალია ისიც, რომ ფილმში მსხვერპლის როლში, ქალების გარდა, ერთი ახალგაზრდა ბიჭიც გვევლინება, რომელიც ქალებზე ძალადობას აპროტესტებს, თუმცა სლეითერი მას მოუწოდებს, რომ უკვე დროა, "გაიზარდოს".
ამ პერსონაჟის ხაზი შეგვიძლია, ჯასტინ ბიბერის ამბავს მივამსგავსოთ. ჯასტინი 15 წლიდან P. Diddy-ს წვეულებების აქტიური წევრი იყო და ვიცით, რომ ცხოვრების ეს პერიოდი მომღერლისთვის უამრავ ტრავმასთან და ნივთიერებებზე დამოკიდებულებასთან ასოცირდება.
ზოი კრავიცის ფილმს ხალხის ნაწილი გაბედულ ნაბიჯად და ჰოლივუდის მანკიერების სარკედ აღიქვამს. ის, თუ რამდენად კავშირშია ფილმის სიუჟეტი სინამდვილესთან, ალბათ რეპერ შონ კომბსის საქმის საბოლოო განაჩენი და დეტალების გასაჯაროება დაამტკიცებს. ფილმი "Blink Twice" კი, სანახავად ნამდვილად ღირს, ამიტომაც ფსიქოლოგიური, ინტროსპექციული და დრამატული ტრილერისთვის ერთი საღამო აუცილებლად უნდა გამოყოთ.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.
პაპარაცულ ფოტოებში A-lister-ების ჩაცმულობასთან ერთად, ყურადღებას ახალ დეტალზე ვამახვილებთ - თუ რომელი წიგნი უჭირავთ ჩვენთვის საყვარელ მსახიობებს, მოდელებსა და მუსიკოსებს ხელში.
