ბოლო ხანია, პაპარაცების ობიექტივში მოხვედრილი A-lister-ების ჩაცმის სტილთან ერთად, ყურადღებას ახალ დეტალზე ვამახვილებთ - თუ რომელი წიგნი უჭირავთ ხელში ჩვენთვის საყვარელ მსახიობებს, მოდელებს და მუსიკოსებს. ცნობილი ადამიანების ცხოვრება ყოველთვის ყურადღების ცენტრშია და ხანდახან გვავიწყდება, რომ მათ საერთოდ არ ვიცნობთ. იმით, თუ რას კითხულობენ ისინი, ვარსკვლავების პიროვნებებზე ბევრი რამის გამოცნობა შეგვიძლია.
“ეიფორიისა” და “Saltburn”-ის მსახიობი ჯეიკობ ელორდი პაპარაცებმა სარდინიაზე არდადეგების დროს, აუზთან ფრანგი მწერლის, ჟან კოქტოს წიგნით ხელში დააფიქსირეს. ჯეიკობ ელორდი ინსტაგრამ გამომწერებისთვის წიგნების რეკომენდაციებსაც არ იშურებს. მის საყვარელ წიგნებს შორისაა ჯეკ კერუაკის “გზაზე”, წიგნების წიგნი “ოდისეა” და ჟან პოლ სარტრის “გულისრევა”.
სუპერმოდელი კაია გერბერი ფაქტობრივად არსად გამოჩენილა წიგნის გარეშე. მას წიგნის კლუბი, “Library Science”-იც კი აქვს. მოდელის ლიტერატურული გემოვნება პლატონისა და ისეთი თანამედროვე მწერლების ნაწარმოებებს მოიცავს, როგორიცაა სალი რუნი და ჯოან დიდიონი. კაია გერბერი პაპარაცებმა მარიო ვარგას ლიოსას წიგნით ხელშიც დააფიქსირეს.
სალი რუნის კითხულობს სარა ჯესიკა პარკერიც. ნიუ-იორკელი ჟურნალისტის, ქერი ბრედშოუს როლს სარა ჯესიკა პარკერი ალბათ ნახევარი ცხოვრებაა ასრულებს და მოსალოდნელიც იყო, რომ მსახიობს სერიალის გადაღებების დროს, განსატვირთად წიგნის კითხვა უყვარს.
კენდალ ჯენერის ბიბლიოთეკას თუ შევავლებთ თვალს, მარტივი მისახვედრია, რომ მოდელი პოეზიითა და ესეებითაა გატაცებული.
კენდალი პაპარაცებმა Darcie Wilder-ის პოსტმოდერნული რომანით ხელში დააფიქსირეს. “Literally show me a healthy person” - ასე ჰქვია "მომავლის წიგნად" აღიარებულ რომანს, რომელშიც უგულებელყოფილია სინტაქსი და გრამატიკა. მეორე წიგნი, რომლითაც კენდალი დააფიქსირეს, ესეების კოლექციაა სახელად “Tonight I’m Someone Else”. წიგნი ინტროსპექციული, ფსიქოანალიტიკური და მელანქოლიური პერსონალური ესეებისგან შედგება.
ჯიჯი და ბელა ჰადიდების წიგნების კოლექციასაც გადავხედოთ. ბელა ჰადიდი სტივენ კინგის, 2018 წელს გამოცემული წიგნით, “Outsider”-ით ხელში გამოჩნდა. ჯიჯი ჰადიდი კი, ეგზისტენციალისტი მწერლის, ალბერ კამიუს “უცხოს” კითხულობს.
პაპარაცები დუა ლიპასაც ხშირად აფიქსირებენ წიგნით ხელში. მომღერალი ინსტაგრამ სთორებში თავადაც გვიზიარებს წიგნების რეკომენდაციებს. დუა ლიპა სანაპიროზე ხალიდ ჰოსეინის წიგნით - “ათასი მოელვარე მზე” გამოჩნდა. ინგლისელი მომღერალი პატი სმიტსა და ნიუ-იორკ ტაიმსის ბესტსელერს, “On Earth We’re Briefly Gorgeous”-საც კითხულობს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
რომან დოლიძისა და კევინ ჰოლანდის ბრძოლა მხოლოდ ერთი რაუნდი გაგრძელდა, რადგან ჰოლანდმა ნეკნის დაზიანება მიიღო. გამარჯვების შემდეგ, რომანმა UFC-ის მიმართა, რომ შემდეგი ბრძოლა დეკემბერში სურს.
