რომან დოლიძემ UFC 307-ზე ამერიკელი კევინ ჰოლანდი ტექნიკური ნოკაუტით დაამარცხა. ბრძოლა მხოლოდ ერთი რაუნდი გაგრძელდა და ქართველ მებრძოლს ყველასგან მოულოდნელად შავი ქამარიც შემოახვიეს წელზე. 36 წლის რომან დოლიძე წლებია UFC-იში საქართველოს ღირსეულად წარმოაჩენს.
2024 წელი ქართველი მებრძოლებისთვის განსაკუთრებით წარმატებული გამოდგა - ილია თოფურია, მერაბ დვალიშვილი და რომან დოლიძე თავიანთ კატეგორიებში მოწინავე ათეულში არიან.
რომან დოლიძე ბათუმში დაიბადა და გაიზარდა. სპორტი, როგორც ჯანსაღი ცხოვრების წესი მისი ყოველდღიურობის განუყოფელი ნაწილი იყო. მისი სპორტული კარიერა კი, ფეხბურთით დაიწყო. 22 წლის რომანი უკრაინაში გემთმშენებლობის ინჟინერიის სასწავლად წავიდა და პარალელურად მეკარის პოზიციაზე თამაშობდა. შემდეგ კი, ჭიდაობას მიჰყო ხელი და მალევე მსოფლიოსა თუ ევროპის ჩემპიონობაც მოიპოვა.
რომანი 28 წლის ასაკში უკვე კარიერის იმ გზას დაადგა, რომელმაც იგი UFC-იმდე მიიყვანა. რინგზე მაინც ყოველთვის ეტყობა რომ ყოფილი მოჭიდავეა. ბათუმელი სპორტსმენი ერთ-ერთ ინტერვიუში ამბობს, რომ ყველაზე თავისუფალი სპორტის ამ სახეობაშია, რადგან ეს ინდივიდუალური სპორტია და რინგზე ასვლამდე თუ ასპარეზობის მომენტში, თამაშის ბედი სრულიად მებრძოლის ხელში რჩება.
ეს გამარჯვება რომან დოლიძისთვის MMA-ის კარიერაში მე-14 იყო, ხოლო უშუალოდ UFC-იში მის ანგარიშზე 8 გამარჯვება და 3 მარცხია. რომანის მოწინააღმდეგემ ბრძოლა ნეკნის მოტეხილობით დაასრულა. რახან შერკინება მხოლოდ ერთი რაუნდი გაგრძელდა, საბოლოო შედეგმა პრესაში და გულშემატკივრების რიგებში უკმაყოფილო რეაქციები გამოიწვია. თავად რომანმა პრესკონფერენციაზე განაცხადა, რომ გამარჯვება გამარჯვებაა და შეჯიბრის განმეორებით ჩანიშვნის მიზეზს ვერ ხედავს, შავი ქამრის მოპოვება კი, მისთვისაც სიურპრიზი იყო.
უნდა აღინიშნოს, რომ რომანი ერთადერთია UFC-ის ქართველი მებრძოლებიდან, რომელიც სისტემატურ ვარჯიშებსა და მომზადებას საქართველოში გადის. გუშინდელ ბრძოლას წინა რიგიდან თვალს ადევნებდა ჩემპიონის ქამრის მფლობელი, მერაბ დვალიშვილი.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
პაპარაცულ ფოტოებში A-lister-ების ჩაცმულობასთან ერთად, ყურადღებას ახალ დეტალზე ვამახვილებთ - თუ რომელი წიგნი უჭირავთ ჩვენთვის საყვარელ მსახიობებს, მოდელებსა და მუსიკოსებს ხელში.
