რა იქნებოდა, ჩვენთვის საყვარელი გმირების როლებზე სულ სხვა მსახიობები რომ დაემტკიცებინათ?! არავინ იცის... შესაძლოა გენიალური ფილმები კიდევ უფრო გენიალური გამოსულიყო, ან პირიქით, პოპულარობა და დიდება ვერასდროს ენახა... The Diary იმ მსახიობების ჩამონათვალს გთავაზობთ, რომლებმაც ცნობილი როლები ვერ მიიღეს.
ფრედი პრინც ჯუნიორი და სარა მიშელ გელერი - THE WEDDING PLANNER
მანამ, სანამ ეკრანებზე ჯენიფერ ლოპესისა და მეთიუ მაკკონაჰის რომანის მომსწრენი გავხდებოდით, The Wedding Planner-ში მთავარ როლებზე ფრედი პრინც ჯუნიორი და სარა მიშელ გელერი განიხილებოდნენ. ქასთში ასევე ჯენიფერ ლავჰიუიტი უნდა გვენახა, მაგრამ საბოლოოდ ქორწილების ორგანიზატორის როლი ჯეი ლომ, ხოლო სიძის როლი მაკკონაჰიმ მოირგო.
ჯორჯ კლუნი - THE NOTEBOOK
წარმოიდგინეთ, რაიან გოსლინგის ნაცვლად რეიჩელ მაკადამსთან ერთად წვიმაში ჯორჯ კლუნი რომ დარბოდეს. დიახ, The Notebook-ის შემქმნელების ჩანაფიქრში როლზე კლუნი უნდა დაემტკიცებინათ, მაგრამ საბოლოოდ გადაწყვეტილება გოსლინგის სასარგებლოდ მიიღეს და სწორედაც მოიქცნენ.
ჯესიკა სიმფსონი - THE NOTEBOOK
სხვათა შორის, იმის შანსიც არსებობდა, რომ ელის როლზე რეიჩელ მაკადამსის ნაცვლად ჯესიკა სიმფსონი დაემტკიცებინათ. მომღერალი ერთ-ერთ ინტერვიუში გამოტყდა, რომ მაშინ როლზე უარი პირადი მიზეზების გამო განაცხადა.
დარბი სტენჩფილდი - THE GAME OF THRONES
არა! სერსეს როლს ლენა ჰედის გარდა არავის არ დავუთმობდით! არადა, დასაწყისში დედოფალი სერსეის როლზე დარბი სტენჩფილდი განიხილებოდა, რომელიც ფართო საზოგადოებისთვის ცნობილი სერიალი SCANDAL-დან გახდა. The game of Throne-ს კი ლენა ჰედის სამსახიობო მასტერკლასი შემორჩა.
ტომ კრუზი - ONCE UPON A TIME IN HOLLYWOOD
კვენტინ ტარანტინოს საბოლოო გადაწყვეტილება რომ არა, რეჟისორის ბოლო ფილმში, ლეონარდო დიკაპრიოსთან და მარგო რობისთან ერთად, ბრედ პიტის ნაცვლად ტომ კრუზს ვიხილავდით. Once Upon a Time in Hollywood-ში კლიფ ბუთის როლის შემსრულებლად საბოლოოდ ბრედ პიტი შეირჩა
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
