ხანგრძლივ შესვენებას წერტილი დაესვა, 6 წლიანი პაუზის შემდეგ ბიონსე სოლო ალბომს Renaissance-ს 29 ივლისს გამოუშვებს. მას შემდეგ, რაც 40 წლის მუსიკოსმა სიტყვები „act i… RENAISSANCE“ თავის სოციალურ მედიაში გააზიარა, სტრიმინგის პლატფორმებმა, მათ შორის Spotify, Apple Music და Tidal, ასევე გამოაქვეყნეს მინიმალისტური ნამუშევრები იგივე ფორმულირებით. Apple Music ვარაუდობს, რომ პროექტი 16 ტრეკისგან იქნება შემდგარი.
როგორც ჩანს Renaissance ბიონსეს ტრადიციული მე-7 სოლო ალბომი იქნება რამდენიმე წლიანი შესვენებისა და 2016 წელს ერთხმად აღიარებული Lemonade-ს გამოსვლის შემდეგ. უკანასკნელი სოლო ალბომის წარდგენის შემდეგ, 2018 წელს ბიონსემ Jay-Z-სთან ერთად ერთობლივი ალბომი Everything Is Love წარუდგინა სამყაროს. 2019 წელს მომღერალმა გამოუშვა საუნდტრეკი Disney-ს ანიმაციური რიმეიქისთვის The Lion King: The Gift, 2021 წელს კი ბიონსეს თაყვანისმცემლებმა King Richard-ისთვის შექმნილი საუნდტრეკი იხილეს.
მას შემდეგ, რაც თვის დასაწყისში ბიონსეს სოციალური მედიიდან ფოტოები წაიშალა, მისი გულშემატკივრები აღფრთოვანებას ვერ მალავდნენ, რადგან ეს მხოლოდ ერთ სასიხარულო სიახლეზე - ახალ სოლო ალბომზე მიუთითებდა მათ.
2021 წელს, Harper's Bazaar-თან საუბრისას ბიონსემ განაცხადა, რომ ახალ ალბომზე დაიწყო მუშაობა: „იზოლაციისა და უსამართლობის შემდეგ, რაც გასულ წელს გადავიტანეთ, ვფიქრობ რომ მზად ვართ გავიქცეთ, ვიმოგზაუროთ, შევიყვაროთ და ისევ გავიცინოთ... აღორძინებას ვგრძნობ და მსურს ამ პროცესის ნაწილი თავადაც გავხდე, წელიწად ნახევარია სტუდიაში ვარ".
„არაფერი შეედრება იმ გრძნობებს: სიყვარულს, ვნებასა და განკურნებას, რასაც სტუდიაში მუშაობისას 31 წლის შემდეგაც განვიცდი. დიახ, მუსიკა თავისით მოდის!" - ბიონსე
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
