American Horror Story ახალი, მე-12 სეზონით დაგვიბრუნდება, ახალი სეზონის American Horror Story: Delicate-ის გამოსვლა რამდენიმე საათის წინ თიზერით დაანონსდა და მან შოუს სამსახიობო შემადგენლობაზე გააკეთა აქცენტი. ემა რობერტსთან ერთად, რომელსაც საშინელებათა ჟანრის გულშემატკივრები კარგად იცნობენ, ახალ სეზონში კიმ კარდაშიანი და კარა დელევინიც გამოჩნდებიან.
რამდენიმე წამიან თიზერში ემა, კიმი და კარა, American Horror Story-ის სტილში თავიანთ ვინაობას გვიმხელენ.
ახალი სეზონი სახელწოდებით Delicate ნაწილობრივ დაფუძნებულია დანიელ ვალენტინის რომანზე Delicate Condition, რომელიც მომავალი თვიდან გაიყიდენა. რომანი მოგვითხრობს ქალის შესახებ, რომელიც ირწმუნება, რომ ბოროტი ძალა არ აძლევს იმის საშუალებას რომ დაორსულდეს. ამ მინიშნების გარდა, American Horror Story-ს, რიგით მე-12 სეზონის სიუჟეტის ხაზის შესახებ სხვა დეტალები უცნობია.
2011 წელს, რაიან მერფიმ და ბრედ ფალჩუკმა, American Horror Story-ს შექმნით ხელახლა განსაზღვრეს საშინელებათა ჟანრი. სერიალმა 12 წლის განმავლობაში შემოგვთავაზა ისეთი სეზონები, როგორებიცაა: Asylum, Coven, Murder House, 1984 და სხვა გამორჩეული ისტორიები. ეს პირველი შემთხვევა ნამდვილად არ გახლავთ, როდესაც AHS-ში ცნობილი მსახიობები, და არამარტო, იღებენ მონაწილეობას, ანთოლოგიის სხვადასხვა სეზონში ჩვენ უკვე ვიხილეთ ლედი გაგა, ადამ ლევინი, ნაომი კემპბელი, კაია გერბერი, ნოა საირუსი და სხვები.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
