ღონისძიება, რომელიც აუცილებლად უნდა მოინიშნოთ: The Why Not Gallery 18 სექტემბერიდან ხელოვან შალვა ნიკვაშვილის პირველ პერსონალურ გამოფენას „აი ია ყვავილიას“ მასპინძლობს. პროფესიით მოდის დიზაინერი შალვა ნიკვაშვილი წარმოგვიდგენს გამოფენას, რომელშიც კოსტუმი და ზოგადად პერფორმატიულობა წამყვანი როლს თამაშობს, როგორც კამუფლაჟი, საკუთარი თავის დასაცავად, საკუთარ ტრავმებში ჩასაღრმავებლად.
„აი ია ყვავილია“ პირველი წინადადებაა, რაც სკოლაში ვისწავლე. ყველაზე ლამაზი წინადადება იყო, რაც კი ოდესმე გამიგია. შეიძლება ჩემი ცხოვრებაც მინდოდა ისეთი ლამაზი ყოფილიყო, როგორც ეს სიტყვები ერთად.
„ამ გამოფენას ბავშვობის მოგონებებს ვუძღვნი; სიყვარულს და სიძულვილს ჩემი ქვეყნისადმი, სადაც დავიბადე, რომელმაც გამამდიდრა, მაგრამ ამავდროულად გამანადგურა“- ვკითხულობთ შალვას ტექსტში.
გამოფენა იმდენად პერსონალურია, ხელოვანის დაბადების მოწმობის ორიგინალით იწყება და სავსეა პირადი სიმბოლიზმით, რომელიც შემდგომ უფრო ფართო, კულტურული რეფერენსებით იტვირთება. ერთგვარი პერვერსიული სასიყვარულო წერილი სამშობლოს, თანაბარი ბრაზით, აგრესიითა და სიყვარულით სწავლობს ტრადიციული, მასკულინური კულტურის მთავარ გამომხატველებს და თავდაყირა აყენებს მის ცენტრალურ სიმბოლიკას.
შალვა ნიკვაშვილის შესახებ...
შალვა ნიკვაშვილი მულტიმედია ხელოვანია, რომელიც იდენტობასა და მეხსიერების გარშემო მუშაობს, იკვლევს სილამაზის და მანიპულაციის საზღვრებს. იგი სწავლობდა თბილისის სახელმწიფო სამხატვრო აკადემიაში, დიზაინის ფაკულტეტზე და შემდეგ სწავლა განაგრძო ანტვერპენში, სამეფო სამხატვრო აკადემიაში ქანდაკების ფაკულტეტზე.
შალვას ნამუშევრები გამოფენილა ევროპის არაერთ გალერეასა თუ მუზეუმში, მათ შორის KW Institute for Contemporary Art-სა და Barbara Thumm Gallery-ში. მისი შემოქმედება გაშუქებულა ისეთ წამყვან სახელოვნებო პუბლიკაციებში როგორიცაა ID magazine, Vice, Metal Magazine და სხვა. 2021 წელს მან იმუშავა რეჟისორ კირილ სერებრენიკოვთან ერთად და დ.შოსტაკოვიჩის ოპერა ‘ცხვირი’-სთვის შექმნა ნიღბები. შალვა ამჟამად ცხოვრობს და მუშაობს ბელგიაში.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
