მსოფლიოს ყველაზე პრესტიჟული ცერემონია აკადემიის პრიზები ანუ „ოსკარები“, ამერიკის შეერთებულ შტატებში, 1929 წლიდან მოყოლებული ყოველწლიურად იმართება. კინოინდუსტრიაში შეტანილი მიღწევების აღსანიშნი დაჯილდოების ცერემონია მსოფლიოში ყველაზე მნიშვნელოვან მოვლენად არის აღიარებული და ჩვენც, მილიონობით სხვა კინომოყვარულის მსგავსად, მოუთმენლად ველოდებით 13 მარტის დადგომას და „ოსკარის“ რიგით 95-ე ცერემონიის გამარჯვებულების ხილვას.
რა ხდის აკადემიის პრიზებს ასეთ ღირებულს? რატომ ითვლება აკადემიის ღირსების პრიზი თითოეული არტისტისთვის კარიერის ყველაზე მნიშვნელოვან მიღწევად? მაინც რა იმალება „ოსკარის“ დიდების მიღმა?
აკადემიის პრიზების ცერემონია სათავეს 1929 წლის 16 მაისიდან იღებს, სწორედ ამ დღეს, დაახლოებით 270 ადამიანი, 5$-ად ნაყიდი ბილეთით Hollywood Roosevelt Hotel-ში შეიკრიბა და 15 წუთის განმავლობაში, „ოსკარის“ თხუთმეტი ქანდაკების გადაცემის ცერემონიას დაესწრო. ძნელი დასაჯერებელია, რომ ცერემონია, რომელიც დღეს სულ მცირე 3 საათი გრძელდება, ოდესღაც 15 წუთში მოკრძალებულად დასრულდა, თუმცა „ოსკარმა“ კუთვნილი დიდება ნელ-ნელა, დამაჯერებელი ნაბიჯებით მოიპოვა.
„ოსკარების“ ცერემონიის მთავარი ჯილდო აკადემიის ღირსების პრიზი გახლავთ, რომელიც 1928 წელს CW Shumway & Sons Foundry-ის საამქროში ჩამოისხა. არტ-დეკოს სტილში გამოსახული რაინდის პრიზის შექმნას ერთ-ერთი ყველაზე ცნობილი არტ-დირექტორი სედრიკ გიბსონი ხელმძღვანელობდა. აკადემიის ღირსების პრიზის სკულპტორი კი მოქანდაკე ჯორჯ სტენლი გახლდათ, რომელმაც 5 კოლოფზე მდგარი რაინდი, ცალ ხელში ჯვაროსნის ხმლით გამოსახა.
სკულპტურის 5 კოლოფი სიმბოლურად კინოაკადემიის ხუთ მთავარ მიმართულებას: მსახიობებს, მწერლებს, რეჟისორებს, პროდიუსერებსა და ტექნიკური პერსონალს გამოხატავს.
სიტყვა „ოსკარი“ ბეჭდურ მედიაში პირველად თაიმის 1934 წლის სტატიაში არის ნახსენები, რომელიც კინოაკადემიის რიგით მე-6 ცერემონიას მიმოიხილავს, თუმცა ამ ტერმინის წარმოშობა დღესაც სადავო საკითხია. ბეტი დეივისის ერთ-ერთი ბიოგრაფის მტკიცებით, კინოაკადემიის პრიზს სახელი დეივისის პირველი ქმრის, მუსიკოს ჰარმონ ოსკარ ნელსონის გამო დაერქვა; თუმცა არსებობს კიდევ ერთი ისტორია თუ როგორ წამოიძახა კინოაკადემიის მაშინდელმა აღმასრულებელმა მდივანმა მარგარეტ ჰერიკმა ქანდაკების ნახვისას „ეს ხომ ბიძაჩემი ოსკარია“, ამ ფაქტის შემსწრე ჟურნალისტმა, სინდი სკოლსკმა კი თავის სტატიაში დაწერა, რომ კინოაკადემიის „თანამშრომლებმა უკვე მოუფიქრეს საყვარელი სახელი, „ოსკარი“ მათ ცნობილ ქანდაკებას“.
მეორე მსოფლიო ომის პერიოდში კინოაკადემია ოქროს დეფიციტის გამო ქანდაკებებს თაბაშირისგან ამზადებდა, თუმცა ომის დასრულებისთანავე თაბაშირი კვლავ ოქრომ ჩაანაცვლა.
„ოსკარების შოუ“ პირველად ეთერში 1953 წელს NBC-ზე გადაიცა. 1960-70 წლებში „ოსკარების ცერემონიას“ ABC გადასცემდა, თუმცა 1970 წელს თამაშში NBC დაბრუნდა და 6 წლის განმავლობაში მთავარი ტელემაუწყებელი გახდა. 1976 წლიდან დღემდე „ოსკარებს“ ABC გადაცმოსცემს.
კინოაკადემიის შესაბამისი განაწესის მიხედვით, თავი 2 და 3, ნომინაციებში წარსადგენად ფილმი საჭიროა წინა კალენდარული წლის 1 იანვრიდან 31 დეკემბრამდე პერიოდში შტატ კალიფორნიის ლოს-ანჯელესის ოლქის ტერიტორიაზე იყოს კინოგაქირავებაში ოფიციალურად გასული (გარდა საუკეთესო უცხოენოვანი ფილმის კატეგორიისა). ამ განაწესის მე-2 თავის შესაბამისად, ფილმი მინიმუმ 40 წთ. უნდა გრძელდებოდეს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
