უკვე 5 წელი გავიდა, რაც კინო ინდუსტრიამ ერთ-ერთი ყველაზე გამორჩეული და ნიჭიერი მსახიობი დაკარგა. ალან რიკმანი 2016 წლის 14 იანვარს, პანკრეასის სიმსივნით გარდაიცვალა. მსახიობის მძიმე ავადმყოფიბის შესახებ მხოლოდ მის უახლოეს წრეში იცოდნენ. რიკმანი სიცოცხლის ბოლო დღეებამდე აქტიურად მუშაობდა.
ის ერთ-ერთია იმ Hollywood-ელი მსახიობებიდან, რომელიც წლების წინ საქართველოსაც სტუმრობდა. მსახიობი საქართველოში პირველად შორეულ 1979 წელს, რეჟისორ რობერტ სტურუასთან მუშაობისას ჩამოვიდა. 2007 და 2009 წელს კი რიკმანი შოთა რუსთაველის სახელობის აკადემიური თეატრის სცენაზე გამოვიდა.
ინგლისელმა კინოსა და თეატრის მსახიობმა მაყურებელს თავი არა ერთი გენიალური როლით დაამახსოვრა, მაგრამ, როგორც ჯოან როულინგის ქმნილებას სჩვევია, ჰარი პორეტის საგამ რიკმანის კარიერაზე წარუშლელი კვალი დატოვა.
პროფესორი სევერუს სნეიპის როლი როულინგმა თავიდანვე რიკმანისთვის შეიქმნა, მაგრამ ფილმის რეჟისორმა როლზე ტიმ როტის დამტკიცება გადაწყვიტა. მსახიობმა მაიმუნების პლანეტაში მონაწილეობის გამო სნეიპის როლზე უარი თქვა, ამიტომ პერსონაჟის შექმნა რიკმანს მიანდეს. როულინგს მსახიობთან ახლო ურთიერთობა ჰქონდა, ამიტომ ამბობენ, რომ ალანმა Harry Potter-ის შესახებ ბევრი ისეთი საიდუმლო იცოდა, რაც მაყურებლისთვის, თუ დანარჩენი მსახიობებისთვის ჯერ კიდევ არ იყო ცნობილი.
მისი სამსახიობო ოსტატობის გარდა, რიკმანის მეგობრები, თუ კოლეგები ალანის გამორჩეულ ხასიათს იხსენებენ.
მას მხოლოდ ერთი სიტყვით აღვწერდი - კეთილი!
ერთ-ერთი ჯილდოს მიღებისას ქეით უინსლეტმა მეგობარი კოლეგა სენტიმენტალური მონოლოგით გაიხსენა.
ის ხალხს ჰარი პოტერის ჯადოქრობით აოცებდა
როდესაც მსახიობი ვინმესთან ერთად ვახშმობდა და მისი თანამგზავრი ვახშმის საფასურის გადახდას გადაწყვეტდა, რიკმანი ფოკუსს მიმართავდა. ალანს რესტორანში წინასწარ ჰქონდა დარეკილი, ან ბოლო წუთას მიმტანს საკუთარ ბარათს შეუმჩნევლად აძლევდა. როდესაც მისი თანამგზავრი ვერ ხვდებოდა რა მოხდა, რიკმანს მხოლოდ ერთი პასუხი ჰქონდა:
მხოლოდ ორ სიტყვას გეტყვი: ჰარი პოტერი!
მსახიობს განსაკუთრებით თბილად იხსენებს თავად ჰარის როლის შემსრულებელი - დენიელ რედკლიფი. მან ლეგენდარული რიკმანი ადრეულ ასაკში, ჯერ კიდევ 2000 წელს გაიცნო.
ის ყოველთვის მამხნევებდა, ეკრანზე და ეკრანს მიღმა. ჩემი თითქმის ყველა სპექტაკლი ჰქონდა ნანახი.
ალან რიკმანის გარდაცვალების შემდეგ, მისმა ოჯახმა მსახიობის მიერ დაწერილი 27 დღიურის გამოქვეყნება 1 წიგნად გადაწყვიტა, რომელიც დღის სინათლეს 2022 წელს იხილავს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
