ანჯელინა ჯოლი კინოსამყაროს აქტიურად დაუბრუნდა, ჯერ მსახიობმა მძაფრსიუჟეტიან თრილერებში შესრულებული როლები გაგვახსენა და დიდხნიანი პაუზის შემდეგ ფილმ Those Who Wish Me Dead-ში გამოჩნდა, მოგვიანებით კი მსახიობმა სუპერგმირის კოსტუმი მოირგო და Marvel-ის სამსახიობო გუნდს შეუერთდა.
კომპანია Marvel სუპერგმირების შესახებ ახალი ფილმის Eternals მზადების პროცესშია და მისი პირველი თიზერის ხილვის საშუალება ჩვენ უკვე მოგვეცა. ფილმში მთავარ რილებს კინოსა და ტელესერიალების ვარსკვლავები ასრულებენ, ანჯელინა ჯოლის გვერდით ისეთი მსახიობები მონაწილეობენ, როგორებიც სალმა ჰაიეკი, კუმეილ ნანჯიანი, კიტ ჰარინგტონი და რიჩარდ მედენი არიან.
სუპერგმირების შესახებ გადაღებული ახალი ფილმის რეჟისორად, ორგზის ოსკაროსანი რეჟისორი ქლოი ჟაო გვევლინება, რომელმაც აკადემიის 2021 წლის დაჯილდოების ცერემონიაზე ახალი ისტორიის დაწერა და მთავარ ნომინაციებში გამარჯვება მოიპოვა.
Eternals-ის სიუჟეტი ჯეკ კირბის კომიქსების ეკრანიზაციაა, რომელიც 5 მილიონი წლის წინ გამოჩენილი სუპერგმირების შესახებ მოგვითხრობს, რომლებიც დედამიწელების დასაცავად და დასახმარებლად გამოჩნდნენ თუ კი საჭირო გახდებოდა. ერთ დღეს ეს საჭიროებაც დადგა და გმირებიც მთელი თავისი დიდებით მზის სინათლეზე გამოვიდნენ.
თიზერში, ანჯელინა ჯოლის პერსონაჟის ხილვა სულ რამდენიმე წამით არის შესაძლებელი, თუმცა, უდავოა, რომ მსახიობმა ჩვენი მონუსხვა ამ დროშიც მოახერხა, თუმცა მის ზებუნებრივ შესაძლებლობებს სრულად ნოემბრის თვეში ვიხილავთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
