Euphoria-ს სამსახიობო შემადგენლობის დატოვებიდან სულ რაღაც 1 კვირის შემდეგ, ბარბი ფერეირა ახალ შემოქმედებით გუნდს უერთდება. ამერიკელი მსახიობი Prime Video-ს ახალ თრილერს, House of Spoils შეუერთდა. ფილმის რეჟისორები არიან ბრიჯიტ სევიჯ კოული და დანიელ კრუდი, საკუთარი სცენარით, რომელიც მათ ორიგინალურ იდეას ეფუძნება.
Amazon-ის ცნობით, სერიალი ამბიციურ შეფ-მზარეულის (არიანა დებოზი) ისტორიას გვიამბობს, რომელიც ხსნის თავის პირველ რესტორანს შორეულ მამულში, სადაც ებრძვის სამზარეულოს ქაოსს, საეჭვო ინვესტორს და ეჭვებს საკუთარ თავში. ბარბი ფერეირას პერსონაჟი აღწერილია, როგორც იმედისმომცემი შეფ-მზარეული, თუმცა ის, თუ რა როლს შეასრულებს ის სერიალში, ჯერჯერობით მაყურებლისთვის უცნობია.
Amazon და Blumhouse Television ერთად 2019 წლიდან მუშაობენ, ქმნიან შოუებს სტრიმინგის სერვისისთვის. Spoils-ის პრემიერა დაგეგმილია მსოფლიოს 240-ზე მეტ ქვეყანაში, მისი წარმოება ამ შემოდგომაზე დაიწყება.
შეგახსენებთ, რომ ბარბი ფერეირას Gen Z-ის თამამი ფიგურის იმიჯი სერიალ Euphoria-ში შეიქმნა, ფერეირას პერსოანჟი კეტ ერნანდესი HBO-ს პოპულარული შოუს 2 სეზონში ვიხილეთ, თუმცა 1 კვირის წინ ცნობილი გახდა, რომ ერთ-ერთი ყველაზე საინტერესო პერსონაჟი სერიალის მე-3 სეზონისთვის აღარ დაბრუნდებოდა. გავრცელებული ინფორმაციით, ბარბი ფერეირას შოუდან წასვლა Euphoria-ს შემქმნელ სემ ლევინსონთან უთანხმოებას უკავშირდება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
