მაიკლ ონდატაჯის ნოველის 1996 გადაღებული კინოადაპტაციის დავიწყება ძალიან ძნელია, თუკი ერთხელ მაინც ეზიარეთ იტალიურ მონასტერსა და საჰარას უდაბნოს შორის გავლებულ კავშირს, სასიყვარულო ურთიერთობასა და მრავალ ნარატივს, მაშინ ეს ფილმი თქვენთან სამუდამოდ რჩება, ისევე როგორც სამუდამოდ დარჩა ამერიკის კინოაკადემიის ჯილდოების ისტორიაში 12 ნომინაციიდან 9 მოპოვებული პრიზით.
ონდატაჯის 1992 წელს გამოშვებული რომანის გაცოცხლების სურვილი BBC-მ გამოთქვა, თუმცა არა ფილმის არამედ სერიალის სახით. ისტორია, რომელიც მეორე მსოფლიო ომში მონაწილე გრაფის ფინეასის მოგონებების შესახებ მოგვითხრობს და ყველაზე ბნელ პერიოდში ნაპოვნი ნათელი წერტილის - მედდა ჯულიეტ ბიშონის მიმართ განცდილ სიყვარულს აღწერს ჩვენი გულების მოგებას კიდევ ერთხელ შეეცდება.
„ინგლისელი პაციენტის“ ახალი ადაპტაცია Miramax Television-სა და Paramount Television Studios კოპროდუქციის სახით წარსდგება.
პროექტი, ჯერ კიდევ განვითარების საწყის ეტაპზეა, თუმცა ცნობილია, რომ მისი სცენარისტი 53 წლის ავსტრალიელ-ამერიკელი მწერალი და პოეტი ემილი ბალოუ იქნება. BBC-ს ცნობილი სერიალი Taboo, რომელშიც მთავარ როლს ინგლისელი მსახიობი ტომ ჰარდი ასრულებს, სწორედ ემილის შემოქმედება გახლავთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
