14 ნოემბერს, C Corporation-ის გუნდი კიდევ ერთი, ახალი ქართული სერიალის, „მარჯვენა სანაპიროს“ პრემიერას გამართავს. დღეიდან, ყოველ სამშაბათს, 21:00 საათზე, TV C-ის მაყურებელი ტელეეკრანებთან, ხოლო Youtube-ის მაყურებელი კომედი ჯგუფის არხზე, ახალ სერიალს დაელოდება, რომელსაც ამ დროის მონაცემებით უკვე 582 000 გამომწერი ჰყავს.
„პროექტის იდეა ჯერ კიდევ გასულ სეზონზე გაჩნდა, გამომდინარე იქიდან, რომ ჩვენი გუნდის მიმდინარე სერიალი, „თეთრი მშრალი ხიდი“ პირველივე სეზონზე მაყურებლისთვის ძალიან საინტერესო პროექტი აღმოჩნდა. გამოცდილებაც და მონდომებაც ხელს გვიწყობდა, ამიტომ უკვე სექტემბრიდან დავიწყეთ სცენარზე და მსახიობების შერჩევაზე მუშაობა.
საბოლოოდ კი დღეს, 14 ნოემბერს, 21:00 საათზე სერიალის პრემიერას ვაანონსებთ“ - განმარტავს, C Corporation-ის მარკეტინგისა და გაყიდვების დეპარტამენტის ხელმძღვანელი, ანა ჭინჭარაული.
სერიალი კომედრიური დრამაა, რომელიც სამი მეგობრის ცხოვრებაზეა ორიენტირებული. მთავარ როლებს სერიალში ალექსანდრა პაიჭაძე, ნუცა თოფურია და სალომე კოკუაშვილი ასრულებენ. მთავარი გმირების ისტორიები ძალიან საინტერესოდ და ამავდროულად კონტრასტულად ვითარდება, რადგან მიუხედავად მეგობრობისა, ისინი მდგომარეობით და ინტერესების სრულიად განსხვავებული პერსონაჟები არიან. „ვფიქრობ, „მარჯვენა სანაპირო-ში“ მაყურებელი აუცილებლად იპოვნის პერსონაჟს, რომელსაც მასთან და მის გარშემო არსებულ რეალობასთან ძალიან ბევრი საერთო აქვს“ - ამბობს ანა ჭინჭარაული.
აგრეთვე ცნობილია, რომ სერიალში პერიოდულად შეხვდებით მუსიკალურ ინტეგრაციებს, ძველი, ყველასთვის საყვარელი მუსიკის განახლებულ და საინტერესო ვერსიებს, ერთ-ერთი მთავარი პერსონაჟის შესრულებით.
პირადად მე, როგორც მარკეტერი, ვფიქრობ, საკმოდ საინტერესო პროდუქტი ემატება ქართულ პროექტებს სერიალ „მარჯვენა სანაპიროს“ სახით - ანა ჭინჭარაული.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.