გასული საუკუნის ერთ-ერთი საკულტო წყვილის ცხოვრების, სიყვარულისა და ტრაგიკული გარდაცვალების შესახებ სერიალს გადაიღებენ, თუმცა ყველაფერი ისე მარტივად არ არის როგორც ერთი შეხედვით ჩანს. შოუს შემქმნელი რაიან მერფი იქნება და საკმარისია მისი სახელის გაგონება, რომ თავში ყველაზე არაორდინალური საშინელებათა ჟანრის ქმნილებები ამოგვიტივტივდება. American Horror Story-ს ანთოლოგიები კიდევ უფრო საინტერესოდ გრძელდება.
American Love Story-ს რამდენიმე სეზონი ექნება, თითოეული მათგანი საკულტო წყვილის შესახებ მოგვითხრობს, რომლებმაც მსოფლიოს გარშემო ათიათასობით ადამიანის გული მოიგეს. პირველი ისტორია ჯონ კენედი-უმცროსის და კეროლინ ბესეტის შესახებ მოგვითხრობს, ამერიკის პრეზიდენტიც ვაჟისა და მისი ურთიერთობის, სიყვარულის ისტორიის, საიდუმლო ქორწილის და ავიაკატასტროფაში, ტრაგიკულად დაღუპული წყვილის შესახებ.
ჯერჯერობით უცნობია, როდის გამოვა American Love Story-ს პირველი სეზონი და როდის მოგვეცემა საკულტო წყვილის ისტორიით ტკბობის საშუალება, თუმცა დარწმუნებული ვართ, რომ ეს პროექტი ისეთივე წარმატებული იქნება, როგორც რაიან მერფის სხვა ქმნილებები და მას მაყურებელი ნახვისთანავე შეიყვარებს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
