„მე ჩედვიკ ბოუზმანი ვარ, ადამიანები მსახიობს მეძახიან, თუმცა საკუთარ თავს მსახიობად არ მოვიხსენიებდი, ცნება ხელოვანი მირჩევნია“ - ამ სიტყვებით იწყება გასული წლის 28 აგვისტოს, 43 წლის ასაკში გარდაცვლილი ხელოვანის ჩედვიკ ბოუზმანის დოკუმენტური ფილმის პირველი თრეილერი.
ჩედვიკ ბოუზმანი, ხელოვანის პორტრეტი - ამ სახელწოდებით დოკუმენტურ ფილმს Netflix ამ უქმეებზე, 17 აპრილს წარადგენს. დიდი ხელოვანის საუკეთესოდ შესრულებული როლები, მსახიობის ბოლოდროინდელი კოლაბორაციები და ჩედვიკის თანამსახიობები, მათ შორის ვაიოლა დევისი, სპაიკ ლი, დენზელ ვაშინგტონი და დანაი გურირა ბოუზმანის ნიჭსა და პროფესიონალიზმს მიაგებენ პატივს.
ჩედვიკ ბოუზმანი გასული წლის 28 აგვისტოს, კოლორექტალურ სიმსივნესთან მრავალწლიანი ბრძოლის შემდეგ, 43 წლის ასაკში დამარცხდა. მიუხედავად რთული დიაგნოზისა და ბოლო სტადიის მომაკვდინებელი დაავადებსა, ჩედვიკი სიცოცხლის ბოლო თვეებშიც კი აქტიურად აგრძელებდა საყვარელი საქმის კეთებას. ხელოვანის ბოლო ორი ფილმი Da 5 Bloods და Black Bottom ბოუზმანისთვის გარდაცვალების შემდეგაც კი აღიარების, პატივისცემისა და დაფასების მომტანი აღმოჩნდა.
ჩედვიკი 2021 წლის ოსკარის დაჯილდოების ცერემონიაზე, საუკეთესო მსახიობი მამაკაცის კატეგორიაშია ნომინირებული და გამარჯვების შემთხვევაში გახდება მეოთხე ადამიანი, რომელიც სიკვდილის შემდეგ დაჯილდოვდება (ჰიტ ლეჯერის და პიტერ ფინჩის შემდეგ) და მეხუთე შავკანიანი, რომელიც ამ კატეგორიაში გაიმარჯვებს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.