თანამედროვე სტანდარტებით, განახლებული საექსპოზიციო დარბაზებითა და რეაბილიტირებული ინტერიერით დიმიტრი შევარდნაძის სახელობის ეროვნული გალერეა დღეს, ორი დიდი მხატვრის ნიკო ფიროსმანაშვილისა და ირაკლი ფარჯიანის შემოქმედებით გაიხსნება. განახლებულ ეროვნულ გალერეაში სარემონტო სამუშაოები საქართველოს კულტურის, სპორტისა და ახალგაზრდობის სამინისტროს ფინანსური ხელშეწყობით 2011 წლის შემდეგ პირველად ჩატარდა.
ნიკო ფიროსმანაშვილის ნამუშევრების განახლებული გამოფენისთვის შალვა ამირანაშვილის სახელობის ხელოვნების მუზეუმის კოლექციიდან 20 ნამუშევარი შეირჩა, რომელიც მხატვრის შემოქმედების ფართო ჟანრობრივ დიაპაზონს წარმოაჩენს. საგულისხმოა ის ფაქტიც, რომ ნიკო ფიროსმანაშვილის ახალ გამოფენას თან ახლავს საგანმანათლებლო-საინფორმაციო მასალა 3 ენაზე, რაც დღემდე ეროვნულ გალერეას არ ჰქონდა.
რაც შეეხება ირაკლი ფარჯიანის გამოფენას, გამოფენაზე წარმოდგენილი იქნება ირაკლი ფარჯიანის 80 ნამუშევარი, მათ შორის ფერწერა, გრაფიკა და ილუსტრაცია სამუზეუმო და კერძო კოლექციებიდან. აღსანიშნავია ის ფაქტიც, რომ მათი ნაწილი, დაახლოებით 30 ცალი, პირველად იქნება ექსპონირებული.
ნიკო ფიროსმანაშვილისა და ირაკლი ფარჯიანის გამოფენების სტუმრობა დამთვალიერებლებს 2 ნოემბრიდან 2022 წლის 1-ელ თებერვლამდე შეეძლებათ. ეროვნული გალერეის ერთი დარბაზი მომავალშიც პერმანენტულად დაეთმობა ნიკო ფიროსმანაშვილის შემოქმედებას, რისთვისაც მხატვრის ნამუშევრები პერიოდულად შეიცვლება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
