დიდებული ქართველი ფერმწერის, გრაფიკოსის, თეატრისა და კინოს მხატვრის, ელენე ახვლედიანის გამოფენას - სახელწოდებით „ელენე ახვლედიანი და მისი ეპოქა“ - 17 დეკემბრიდან „ბაია გალერეა“ უმასპინძლებს.
გამოფენა მე-20 საუკუნის უდიდესი ქართველი მხატვრის შემოქმედების კონტექსტში წარმოგვიდგენს მისი თანამედროვე არტისტების აქამდე უცნობ ნამუშევრებს, კერძო კოლექციებში დაცულ უნიკალურ მასალას, ქართული კულტურის რარიტეტებს. ასეთი აღმოჩენები ძალზე საინტერესოა ხელოვნებაში არსებული უცნობი მოვლენების კვლევის თვალსაზრისით და ასევე ხელს უწყობს კერძო კოლექციების მნიშვნელობის წარმოჩენას, რადგან ხშირად სწორედ ისინი ქმნიან სამუზეუმო ინსტიტუციების ბაზას.
„ელენე ახვლედიანი და მისი ეპოქა“ „ბაია გალერეას“ მიერ 2019 წელს წამოწყებული პროექტის ნაწილია. „მხატვარი და მისი ეპოქა“ ითვალისწინებს ერთი მხატვრის შემოქმედებაზე ორიენტირებით, მისი მოღვაწეობის დროს მიმდინარე პროცესების წარმოჩენას.
ელენე ახვლედიანის ნამუშევრების გარდა, 17 დეკემბრიდან 25 იანვრის ჩათვლით, „ბაია გალერეას“ ვიზიტორებს საშუალება ექნებათ პეტრე ბლიოტკინის, გიგო გაბაშვილის, ლადო გუდიაშვილის, ფელიქს ვარლამიშვილის, კირილე ზდანევიჩის, მოსე თოიძის, დავით კაკაბაძის, ქეთევან მაღალაშვილის, პეტრე ოცხელისა და სხვა ცნობილ ქართველ მხატვართა ნამუშევრებიც დაათვალიერონ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.