„თბილისი - წიგნის მსოფლიო დედაქალაქის“ ფარგლებში, 12 თებერვლიდან არტარეა გალერეაში POSTRED-ის მიერ შექმნილი პროექტი დაიდებს ბინას. „ექო“ აუდიო-ვიზუალური ინსტალაციაა, რომელიც საკუთარ ქვეცნობიერში მოგზაურობისა და შთაგონების ძებნის ერთგვარი გზაა. პროექტის ყოველი მონაწილე თვითონ ქმნის იმ უნიკალურ თავგადასავალს, რომლის პერსონაჟადაც იქცევა.
თავდაპირველად, ბნელ ოთახში აღმოჩნდებით, სადაც სარკეებად ქცეული კედლები და მოციმციმე ციფრული გამოსახულებები დაგხვდებათ. თან მხოლოდ პლანშეტი გექნებათ, რომლის ეკრანზეც ნელ-ნელა კითხვები აისახება. ყოველ გაცემულ პასუხს, ოთახში გაფანტული შესაბამისი ხმები და გამოსახულება მოჰყვება. 5-წუთიანი ციფრული თავგადასავლის შემდეგ კი, ოთახს შთაგონებით სავსე დატოვებთ.
თუ გსურთ, საკუთარ თავს კიდევ ერთხელ მიუბრუნდეთ, წარმოსახვა გაივარჯიშოთ, ან უბრალოდ, რამდენიმე წუთი თქვენ მიერ შექმნილ ფანტასტიკურ სამყაროში გაატაროთ, „ექოში” სოლო მოგზაურობა გელოდებათ.
პროექტის ავტორი ბესო კაჭარავა გახლავთ. ბესო აუდიო პოსტ-პროდუქციის კომპანიის POSTRED-ის დამფუძნებელი და საერთაშორისოდ აღიარებული საუნდ არტისტია ისეთი პროექტებისთვის, როგორებიცაა HBO-ს გახმაურებული დრამა EUPHORIA, Paramount Pictures-ის SCREAM, მაიქ მილსის C’mon C’mon და სხვა. „ექოს“ მუსიკა კინოკომპოზიტორ ზვიად მღებრს ეკუთვნის.
არტარეა გალერეაში პროექტი „ექო“ 12 თებერვლიდან - 6 მარტის ჩათვლით გაგრძელდება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
