17 წლის განმავლობაში, საკულტო სერიალ „მეგობრების“ ერთგული გულშემატკივრები ახალი სერიების გამოსვლაზე ოცნებობდნენ. მიუხედავად იმისა, რომ დიდებული ექვსეულის ცხოვრების გზები რეალურ ცხოვრებაში გაიყო, სითკომის თაყვანისმცემლებს იმედი არასდროს დაუკარგავთ, რომ ოდესმე მონიკას, რეიჩელს, ფიბის, ჯოუის, ჩენდლერსა და როსს კვლავინდებურად იხილავდნენ ეკრანებზე და ისინი მართლებიც აღმოჩნდნენ.
ერთი წლის წინ, ცნობილი გახდა, რომ მკაცრი უარის შემდეგ, ლეგენდარული პროექტის შემოქმედი დევიდ კრეინი ახალი ეპიზოდების გადაღებას დათანხმდა და დიდ ექვსეულთან ერთად ახალ ეპიზოდებს შემოგვთავაზებდა. რასაკვირველია, კორონავირუსის პანდემიის ფონზე გადაღებების დაწყება ძალიან დიდი ხნით გადაიდო და ამ დრომდე „მეგობრების“ გაერთიანების შესახებ არაფერი ვიცოდით.
ჩვენდა სასიხარულოდ, გადაღების პროცესი დაიწყო და ნელნელა ახალ დეტალებსაც ვიგებთ, ასე მაგალითად, რამდენიმე დღის წინ ექსცენტრიული ფიბის შემსრულებელმა ლიზა კუდროუმ გულშემატკივრებს განუმარტა, რომ ის და მისი კოლეგები არა სერიალის გაგრძელებას, არამედ ერთ ექსკლუზიურ სერიას იღებდნენ.
დევიდ შვიმერმა (როსი) კი ცოტა მეტი დეტალის გამხელა გადაწყვიტა ჩვენთვის: „მე საკუთარი თავი ვიქნები - დევიდი. ჩვენ არ გვაქვს სცენარი და საკუთარ პერსონაჟებს არ განვასახიერებთ. ჩვენ შევხვდებით, როგორც ნორმალური ადამიანები, ერთ მომენტში რაღაცას წავიკითხავთ კიდეც, თუმცა სულ ეს არის რისი თქმაც შემიძლია“ - განაცხადა დევიდმა და კიდევ უფრო მეტი კითხვა გაგვიჩინა, ვიდრე პასუხი.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
