ერთი შეხედვით კარგად ნაცნობსა და საყვარელ მშვენიერ სახეს ხედავ, შემდეგ კი ამჩნევ, რომ მისი სხეული ფუტკრებითაა დაფარული. რაც უფრო დიდხანს უყურებ ფოტო თუ-ვიდეომასალას, მით მეტად აღიქვამ ღრმა კავშირს ადამიანსა და ამ საოცარ მწერს შორის.
ფუტკრების საერთაშორისო დღის აღსანიშნად და ამ მშვენიერი ქმნილებების მიმართ ყურადღების მისაპყრობად, მსოფლიოს ერთ-ერთი ყველაზე ცნობილი ჟურნალი National Geographic და ანჯელინა ჯოლი გაერთიანდნენ და საერთო ძალისხმევით, რაღაც მომნუსხველი შექმნეს. ფოტოგრაფის დენ ვინტერის შთაგონების წყარო 1981 წელს, რიჩარდ ავედონის ცნობილი პორტრეტი გახლდათ, რომელშიც მეფუტკრეს მთელი სხეული ფუტკრებითაა დაფარული.
ძალიან სასიამოვნო გრძნობა იყო ამ მშვენიერ ქმნილებებთან დაკავშირება. გადაღების პროცესში გაუნძრევლად უნდა ვმდგარიყავი, რაც ჩემთვის მარტივი დავალება სულაც არ არის - ანჯელინა ჯოლი
ანჯელინა ჯოლი რამდენიმე ხედვით მოინუსხა: ფუტკრებით, როგორც ჩვენი საკვების მწარმოებლებით, რომლებიც პარაზიტების, პესტიციდებისა და კლიმატის ცვლილებების გამო საფრთხის ქვეშ იმყოფებიან და იმავდროულად ქალებით, რომლებიც სპეციალური გადამზადების შემდეგ, ამ მშვენიერი მწერების გადარჩენაზე იზრუნებენ.
შესაძლოა ეს ქმნილებები ერთდროულად საშიშად და მშვენიერად მოგვეჩვენოს, საქმე კი ისაა, რომ ჩვენ, მათთან ერთად ვიზიარებთ დედამიწას და ერთგვარად, ერთმანეთზე ვართ დამოკიდებულნი.
ანჯელინა ჯოლი უკვე დიდი ხანია ჩაბმულია პროექტში, რომელიც UNESCO-სა და Guerlain-ის საერთო მხარდაჭერით ხორციელდება და რომელიც 2025 წლისთვის 125 მილიონი ფუტკრის გადარჩენას გეგმავს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
