გალ გადოტი რეალურ ცხოვრებაშიც Wonder Woman-ია! მსახიობი, რომელიც 2016 წლიდან მოყოლებული ერთ-ერთი ყველაზე ძლიერი სუპერ გმირის როლში გვევლინება, მისი პერსონაჟის მსგავსად სამყაროს შეცვლას და უსამართლობის დამარცხებას ყოველდღიურად ცდილობს. სულ მალე საზოგადოება National Geographic channel-ის ახალ, 6 ეპიზოდიან დოკუმენტური ფილმების სერიას ნახავს, რომლის აღმასრულებელი პროდიუსერიც სწორედ 35 წლის ლამაზმანი გახლავთ.
პროექტი სახელწოდებით Impact ბრაზილიაში, კალიფორნიაში, მიჩიგანში, პუერტო რიკოსა და სხვა ადგილებში იმ ქალებს დაჰყვება, რომლებიც არაორდინალურ საქმიანობას ეწევიან და წინაღობების გადალახვას საკუთარი ძალებით ახერხებენ.
ისინი ნამდვილი გმირები არიან. მე მათ ჩემს Wonder Woman-ებს ვუწოდებ, რადგან ვთვლი, რომ ბევრი ვერ შეძლებდა იმას, რასაც ეს ქალები აკეთებენ.
დოკუმენტური სერიალი ძალადობით, დისკრიმინაციითა და სიღარიბით მოცულ სამყაროში მცხოვრები ქალების შესახებ მოგვითხრობს, რომლებიც სამყაროს შეცვლას ყოველდღიურად ცდილობენ. გალ გადოტი თვლის, რომ მას და Wonder Woman-ს ერთნაირი მსოფლმხედველობა აქვთ და ისინი ერთი მიზნისთვის იბრძვიან.
თავად 35 წლის მსახიობი აქტიურადაა ჩართული სოციალურ, თუ საქველმოქმედო საქმიანობაში და საკუთარ პლატფორმას ქალთა წინააღმდეგ ძალადობის, დისკრიმინაციის, გენდერული უთანასწორობისა, თუ მორყეული ჯანდაცვის სისტემის წინააღმდეგ ბრძოლაში აქტიურად იყენებს. ცოტა ხნის წინ გადოტმა Instagram გვერდზე Warner Media-ს ახალი სოციალური კამპანიიდან ვიდეო რგოლი გაგვიზიარა, სადაც ცნობილ კინო სცენებში გმირები პირბადეებს ატარებენ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
