“შიმშილის თამაშების” თაყვანისმცემლებისთვის სასიამოვნო სიახლე გვაქვს. მალე ეკრანებზე საგის კიდევ ერთი ნაწილი გამოვა, რომელიც არა მომავალში, არამედ პანამის უბნების წარსულში გვამოგზაურებს. რამდენიმე დღის წინ Lionsgate-მა ფილმის ტრეილერი გაავრცელა.
The Hunger Games: The Ballad of Songbirds & Snakes ჩვენთვის უკვე ნაცნობი ფილმების წინა ისტორიაა და Hunger Games-ის შექმნის ისტორიას მოგვითხრობს. საკმაოდ შთამბეჭდავია ქასთიც. ნამუშევარში მთავარ როლებს რეიჩელ ზეგლერი, ტომ ბლითი, ჰანტერ შაფერი, Game of Throne-ის მსახიობი - პიტერ დინკლიჯი, ოსკაროსანი ვაიოლა დევისი და სხვა ვარსკვლავები ასრულებენ.
“ბალადა მგალობელ ჩიტებსა და გველებზე” სიუზენ კოლინზის მეოთხე წიგნია, რომელიც მწერალმა 2020 წელს გამოსცა, Lionsgate-მა კი გადაღებები მალევე დაიწყო. მაშინ, როდესაც ნამუშევრისთვის მსახიობებს არჩევდნენ, შემქმნელებმა ჯერ კიდევ არ იცოდნენ, რომ მთავარ როლზე დამტკიცებული რეიჩელ ზეგლერი Hollywood-ური მედიის კრიტიკის ქარცეცხლში მოხვდებოდა და მის მიმართ არა ერთგვაროვანი დამოკიდებულება გაჩნდებოდა.
მსახიობი მთავარ როლს ახალ “ფიფქიაშიც” ასრულებს, რომლის რელიზიც 2024 წელს იგეგმება. პრეს ტურის დროს კი ახალგაზრდა მსახიობი კლასიკური ნამუშევრის კრიტიკას არ მორიდებია, რის გამოც მის მიმართ საზოგადოებაში საკმაოდ ნეგატიური განწყობა გაჩნდა.
რაც შეეხება he Hunger Games-ის ახალი ნაწილის დანარჩენ მსახიობებს: ოსკაროსანი ვაიოლა დევისი ამჯერად მთავარი ბოროტი გმირის როლში გვევლინება, ახალგაზრდა სნოუს როლს კი ტომ ბლითი ასრულებს, რომელიც ჩვენთვის უკვე კარგად ნაცნობი “შიმშილის თამაშების” პირველად უდგება სათავეში.
არნახული მხატვრობა, საინტერესო კოსტიუმები და ტრილოგიისთვის დამახასიათებელი, მოულოდნელობებით აღსავსე სცენები - ერთგული მაყურებელი ისტორიის კიდევ უფრო საინტერესოდ განვითარებას ელოდება. The Hunger Games: The Ballad of Songbirds & Snakes-ის საპრემიერო ჩვენება კი 17 ნოემბერს შედგება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.