2018 წელს New York-ის ჟურნალისტმა - ჯესიკა პრესლერმა სტატია გამოაქვეყნა, რომელიც ძალიან მალე გახდა რეზონანსული ქალაქისთვის. მასალა იმის შესახებ, თუ "როგორ მოატყუა ანა დელვეიმ წვეულების მოყვარული ნიუ იორკელები" ანა სოკორინის ისტორიას გვიამბობდა - გოგონასი, რომელსაც რუსული ფესვები ჰქონდა, თუმცა გარემოსთან მარტივად ადაპტირდა და საკუთარი თავის რებრენდინგიც მოაწყო. ანა სოკორინი სულ მალე ანა დელვეიდ იქცა - მდიდარ მემკვიდრედ, რომელმაც თავი ქალაქის ელიტაში დაიმკვიდრა.
ანა დელვეის ცხოვრება ერთ ღამეში ახდენილ ოცნებად იქცა. მიუხედავად ანას პატიმრობისა, ამ თემას არასოდეს დაუკარგავს აქტუალურობა. 3 წლის შემდეგაც კი Netflix და შონდა რაიმსი ახალგაზრდა ქალის ისტორიის მოყოლას ცდილობენ.
სერიალის პრემიერა
ლიმიტირებული სერიალის გადაღებები ჯერაც არ გახლდათ დასრულებული. როდესაც COVID 19-ის პანდემიამ მსოფლიო მოიცვა და კინოინდუსტრიას სერიოზული დარტყმა მიადგა, პრემიერა, რომელიც 2021 წელს უნდა შემდგარიყო, 2022 წლის დასაწყისამდე გადაიდო.
Inventing Anna-ს სინოფსისის თანახმად, სერიალის პროტაგონისტი არა ანა დელვეი, არამედ მისი საქმის გამომძიებელი ჟურნალისტი - ვივიანი იქნება. ქალს ანა დელვეის, ლეგენდარული გერმანელი მემკვიდრის საქმის გამოძიება ევალება, რომელმაც ნიუ-იორკის სოციალური სცენის გულები და საფულეები ერთდროულად დაიპყრო. არის თუ არა ანა ნიუ-იორკის ყველაზე დიდი თაღლითი ქალი, თუ ის უბრალოდ ამერიკული ოცნების ახალი პორტრეტია?
აღმასრულებელი პროდიუსერი
Inventing Anna Netflix-ის იმ ერთ-ერთ პროდუქტთაგანია, რომელზეც შონდა რაიმსი მუშაობს. ამჯერად შონდა აღმასრულებელ პროდიუსერად გვევლინება. ასევე პროდიუსერობას ითავსებს The Devil Wears Prada-ს რეჟისორი დევიდ ფრანკელი.
სამსახიობო კოლექტივი
ჯულია გარნერი, რომელსაც Emmy-ის მეორე ჯილდო სერიალში Ozark შესრულებული როლისთვის ერგო, ლიმიტირებული სერიალის მთავარი გმირის - ანა დელვეის როლს მოირგებს. ვივიანის როლში კი ანა ჩლამსკი გვევლინება. სერიალში ასევე გამოჩნდებიან ლევერნ კოქსი, რომელიც კეისი დიუკის როლს შეასრულებს და კეიტი ლოუისი, რომელიც ანას ერთ-ერთ მეგობარს - რეიჩელ უილიამსს განასახიერებს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
