ქართულმა მუსიკალურმა ჯგუფმა უკრაინის დასახმარებლად კიდევ ერთი საქველმოქმედო კონცერტი დააანონსა. 11 მაისს, ვასო აბაშიძის ახალ თეატრში „მგზავრები“ კონცერტს გამართავენ, როგორც ჯგუფის განცხადებაშია ნათქვამი, კონცერტიდან შემოსული თანხა სრულად გადაირიცხება ჰუმანიტარული და სამედიცინო თანადგომის ფონდში.
კონცერტზე დასასწრები ბილეთების შეძენა უკვე შესაძლებელია Tkt.ge-ზე, ბილეთის ღირებულება 50 ლარი გახლავთ.
დაახლოებით ერთი თვის წინ, სოციალური ქსელების მეშვეობით, გავრცელდა ინფორმაცია, რომ ჯგუფი „მგზავრები“ აპრილის თვეში მოსკოვში კონცერტის ჩატარებას გეგმავდა. ქართველი საზოგადოება ამ ინფორმაციას კრიტიკულად შეხვდა, მალევე ჯგუფის წარმომადგენლებმა უარყვეს გავრცელებული სიახლე და აღნიშნეს, რომ ეს უბრალოდ დეზინფორმაცია და სიცრუე გახლდათ.
„გავრცელებული ინფორმაცია მგზავრების საკონცერტო ტურნესთან დაკავშირებით რუსეთში არის დეზინფორმაცია და სიცრუე“ - ნათქვამი იყო განცხადებაში.
„მგზავრების“ სოლისტის გიგი დედალამაზიშვილის უკრაინელი მეუღლის მარინა კარპისა და მისი კოლეგის ევგენი ეფანოვის თანამშრომლობით, საქველმოქმედო ფოტოპროექტი „ჩვენ ერთ ნავში ვართ“ დაიგეგმა, რომელშიც მონაწილეობა ქართველმა ხელოვანებმა, მუსიკოსებმა, ტელეწამყვანებმა თუ მეწარმეებმა მიიღეს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.