კანის რიგით 76-ე კინოფესტივალი, 2023 წლის 16-27 მაისს გვიბრუნდება, რამდენიმე საათის წინ წლევანდელი ფესტივალის პროგრამა გახდა ცნობილი, რომელმაც იმ ეკრანიზაციათა სრული ჩამონათვალი შემოგვთავაზა, რომელსაც წელს საფრანგეთის ქალაქ კანში ვიხილავთ.
Killers of the Flower Moon
მარტინ სკორსეზეც ატმოსფერული ადაპტაცია დევიდ გრანის რომანისა, რომელიც 20-იანი წლებში, ოკლაჰომაში მცხოვრები ნავთობით მდიდარი მკვიდრი ამერიკელების იდუმალებით მოცული მკვლელობის ნამდვილ ისტორიას გვიამბობს. Killers of the Flower Moon 2 წლის განმავლობაში იყო მზადების პროცესში, მის მიმართ ინტერესი განსაკუთრებით მაღალია. ფილმში მთავარ როლს ლეონარდო დიკაპრიო ლილი გლადსტონთან, ჯონ ლიტგოუსთან და ოსკარის ბოლო ლაურეატთან, ბრენდან ფრეიზერთან ერთად ასრულებს.
Asteroid City
უეს ანდერსონის რიგით მე-11 მხატვრული ფილმი Asteroid City არის პოეტური მედიტაცია ცხოვრების აზრზე. ის მოგვითხრობს გამოგონილ ამერიკულ ქალაქზე, სადაც მოქმედება 1955 წელს ვითარდება. ქალაქი სამეცნიერო შეჯიბრისთვის, დასვენებისა და მხიარულებისთვის მთელი ქვეყნიდან აერთიანებს სტუმრებს. ანდერსონის ფერად სამყაროში ამჯერად ტილდა სუინტონი, ჯეისონ შვარცმანი, ედრიენ ბროუდი, უილიამ დეფო, ტომ ჰენკსი, სტივ ქარელი და ჰოლივუდის სხვა ვარსკვლავები მონაწილეობენ.
May December
ჯულიანა მური და ჩარლზ მელტონი, ტოდ ჰეინსის დელიკატური დრამის ცენტრში არიან. ფილმი ახალგაზრდა მსახიობის (ნატალი პორტმანი) შესახებ მოგვითხრობს, რომელიც მაინში იმ ქალის (ჯულიანა მური) გასაცნობად და უკეთ შესასწავლად მიემგზავრება, რომელიც ეკრანებზე უნდა განასახიეროს. რაც მეტს იგებს მსახიობი ჯულიანას პერსონაჟის ცხოვრების შესახებ მით მეტია ოჯახური დაძაბულობა, რომელიც უკვე ორ ათწლეულზე მეტია წარსულის აჩრდილთან ერთად ცხოვრობს.
Firebrand
ისტორიულ ეპოსში, რომელიც ორიენტირებულია ჰენრი VIII-ის მეექვსე და უკანასკნელ მეუღლეზე, კეტრინ პარზე, ალისია ვიკანდერი დედოფლის როლს ირგებს, ფილმში აგრეთვე ვხვდებით ჯუდ ლოუს, დიდებული მონარქის როლში, ერინ დოჰერტს წარმატებული მწერლის ამპლუაში და ედი მარსანსა და სემ რაილის, პოლიტიკურად მოაზროვნე ძმების ედუარდ და თომას სეიმურების როლში.
Monster
ოქროს პალმის რტოს მოგების შემდეგ, ჰიროკაზუ კორე-ედამ აწარმოა პროექტები ფრანგულ და კორეულ ენებზე, ამჯერად რეჟისორი მშობლიურ იაპონიაში ბრუნდება და მაყურებელს სამი პერსპექტივიდან: დედის, მასწავლებლისა და პატარა ბიჭის, მოყოლილი ისტორიის მონაწილეს გვხდის.
Strange Way of Life
პედრო ალმადოვარის ყოველი ახალი ეკრანიზაცია სიხარულის მომგვრელია, თუნდაც მოკლემეტრაჟიანი იყოს ის. 30 წუთიან ვესტერნში მთავარ როლებს ეთან ჰოუკი და პედრო პასკალი ასრულებენ, ისინი ძველ მეგობრებს: შერიფსა და ფერმერს განასახიერებენ, რომლებიც ათწლეულების შემდეგ ხვდებიან ერთმანეთს და აღმოაჩენენ, რომ მათი შეხვედრა მოულოდნელი სულაც არ არის.
The New Boy
Tár-ში, ქეით ბლანშეტის დიდებულად შესრულებული როლის შემდეგ, რომლისთვისაც მსახიობი ოსკარზეც გახლდათ ნომინირებული, ქეითი უორვიკ თორნტონის ამაღელვებელ რელიგიურ საგაში მონაწილეობს და მონაზვნის როლს ირგებს. მისი დელიკატურად გაწონასწორებული სამყარო ირღვევა, როდესაც მოულოდნელად, ღამის წყვდიადში, ცხრა წლის აბორიგენი ობოლი ჩნდება. ფილმი არის კოლონიალიზმის, სულიერი ბრძოლების და გადარჩენის ნამდვილი საფასურის მკვეთრი კვლევა.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.