წარმოიდგინეთ სამყარო, სადაც ღამის ეთერის Prime Time-ში ქალი კომიკოსის შოუ გადის. დიახ, ეს მხოლოდ თქვენი წარმოდგენაა. ათწლეულების მანძილზე ღამის ეთერი მამაკაცების სამფლობელოა, ხოლო ყველა Late night გადაცემის სახელწოდება რომელიმე ცნობილი კომიკოსი მამაკაცის სახელით სრულდება. ნიშა განატრას 2019 წლის ფილმში კი ამერიკული სატელევიზიო სივრცის შუაღამის ვარსკვლავი ქალი კომიკოსი - კეთრინ ნიუბერია, რომლის როლსაც ემა ტომპსონი ასრულებს.
ფილმის LATE NIGHT სცენარის თანაავტორი მინდი კალინგია, რომელიც ამავდროულად კომედიური ჟანრის ნამუშევარში სცენარისტის - მოლი პატელის როლს ასრულებს. ცნობილი კომიკოსის შოუ ეთერში უკვე წლებია გადის, თუმცა დროთა განმავლობაში მის მიმართ ინტერესი გაქრა, ამიტომ ტელეარხის ერთ-ერთი დირექტორი ტელეწამყვანის ჩანაცვლებას გადაწყვეტს.
ფილმის მთავარი ხიბლი სექსიზმითა და სატელევიზიო სივრცეში არსებული სიტუაციით გაჯერებული სატირაა, რომელშიც მამაკაცების მიერ დომინირებული სფერო იმაზე გაცილებით ნაკლებად მწვავედაა წარმოდგენილი, ვიდრე ეს რეალურად ხდება. მინდი კალინგისა და ემა ტომპსონის დუეტი კი განუმეორებელია.
ფილმის მთავარი გმირი უხეში, კარიერისტი ქალია, რომელმაც Late Night გადაცემას მთელი ცხოვრება შესწირა. ყველაზე დიდი სარკაზმი იმაში მდგომარეობს, რომ ფილმის მთავარი გმირი ბრიტანელი ქალია. მინდი კალინგის გმირი კი სცენარისტების რიგებში მხოლოდ იმიტომ ხვდება, რომ ამდენ მამაკაცს შორის ერთი ქალი აუცილებლად უნდა იყოს.
ფილმის შესახებ რაიმე ზედმეტი რომ არ წამოგვცდეს, გირჩევთ Late Night აუცილებლად ნახოთ. ქალი რეჟისორის მიერ გადაღებული კომედიური ჟანრის ნამუშევარი ერთ საღამოს ნამდვილად გაგიხალისებთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.