Barbie-ის ფენომენის კვალდაკვალ, ჩვენი ბავშვობის ნოსტალგია კიდევ ერთი live action ფილმში გაცოცხლდება. ლილი კოლინზი, რომელმაც მომხიბვლელი ღიმილითა და გულწრფელობით, Netflix-ის Emily in Paris-ში მაყურებლების გულების დაპყრობა ერთი ნახვით მოახერხა, ამჯერად კინოეკრანებზე ნოსტალგიას გაგვიღვიძებს და ჩვენი ბავშვობის ნაწილის Polly Pocket-ის როლს მოირგებს.
Variety-ის ცნობით, ლილი კოლინზი მთავარი როლის შესრულებასთან ერთად, ფილმის პროდიუსერადაც მოგვევლინება. რეჟისორი და სცენარის ავტორი კი ლენა დანჰემი იქნება, სერიალ Girls-დან. ფილმის შექმნის პროცესში, ასევე ჩართული იქნება საპროდიუსერო კომპანია Good Thing Going, MGM და Mattel.
„ეს ნამდვილი ახდენილი ოცნებაა, ერთი სული მაქვს როდის გადავიტან ამ პაწაწინა სათამაშოებს დიდ ეკრანზე" - განუცხადა კოლიზმა გამოცემას.
Variety-ის ცნობით უკვე არსებობს „დიდი სცენარი", რომლის მიხედვითაც Polly Pocket ეკრანებზე გაცოცხლდება. რობი ბრენერმა, პროდიუსერმა, რომელიც მართავს Mattel Films-ს, Variety-ს განუცხადა, რომ კოლინზთან და დანჰემთან მუშაობა „საოცარი თანამშრომლობა იყო. იმედი მაქვს ამ საქმეს ბოლომდე მივიყვანთ".
ეკრანიზაციის შესახებ ბევრი დეტალი ჯერ კიდევ უცნობია, მათ შორის: სხვა მსახიობების ვინაობა, გადაღების დეტალები ან გამოსვლის სავარაუდო თარიღი. მწერლებისა და მსახიობების მიმდინარე გაფიცვების გამო, ახალი ინფორმაციის გაზიარებას, სავარაუდოდ, გარკვეული დრო დასჭირდება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
