ინფორმაცია იმის შესახებ, რომ Call Me by Your Name-სა და Suspiria-ს შემოქმედმა, იტალიელმა რეჟისორმა ლუკა გუადანინომ ახალ რომანტიკულ დრამაზე Challengers-ზე დაიწყო მუშაობა, ერთი წლის წინ გავრცელდა, დღეისათვის კი ინტერნეტ სივრცეში ფილმის პირველი ტრეილერი უკვე ხელმისაწვდომია. ჰოლივუდის ამომავალი ვარსკვლავების ზენდაიას, ჯოშ ო'კონორისა და მაიკ ფაისტის მონაწილეობით რეჟისორმა ბრწყინვალე სამსახიობო კოლექტივი შეკრა და გუნდს კოსტიუმების ცნობილი დიზაინერი ჯონათან ანდერსონიც შემატა, გაინტერესებთ რა გამოვიდა? - ამის გასაგებად დამაინტრიგებელ ტრეილერს უნდა შეავლოთ თვალი, რომელსაც რიანას S&M დამატებით დრამატიზმს სძენს.
ფილმის სიუჟეტი პროფესიონალი ჩოგბურთელის ტაშის (ზენდანია) სამყაროში ვითარდება, რომელიც ტრავმის შედეგად დასრულებული კარიერის შემდეგ ცდილობს საკუთარი ქმარი (ფაისტი) აქციოს ჩოგბურთის ცოცხალ ლეგენდად. ტაში აიძულებს მეუღლეს მონაწილეობა მიიღოს ტურნირ challenger-ში, რომელშიც მათი ყოფილი საუკეთესო მეგობარი და საყვარელი პატრიკიც (ო'კონორი) იღებს მონაწილეობას.
ამ ნაბიჯს კი კომპლექსურ სასიყვარულო სამკუთხედამდე მივყავართ, რომლიდანაც გამოსავალი საკმაოდ მტკივნეული და დრამატული იქნება.
Challengers-ის სცენარზე დრამატურგმა და რომანისტმა ჯასტინ კურიცკესმა იმუშავა, ფილმის პროდიუსერად კი ემი პასკალი მოგვევლინება. როგორც უკვე აღვნიშნეთ ფილმზე კოსტიუმების ცნობილმა დიზაინერმა ჯონათან ანდერსონმაც იმუშავა; ეს ლუკა გუადანინოსთვის მოდის დიზაინერთან თანამშრომლობის პირველი გამოცდილება ნამდვილად არ გახლავთ. საკმარისია გავიხსენოთ მოკლემეტრაჟიანი ფილმი The Staggering Girl და Valentino-ს ნამდვილი ჩვენება, რომელიც რამდენიმე წუთის განმავლობაში ფილმში მოეწყო, რომ დავრწმუნდებით, წინ საინტერესო მოდური თავგადასავალი გველის.
რაც შეეხება Challengers-ის პრემიერას, ფილმი დიდ ეკრანებზე 15 სექტემბერს გამოჩნდება, აშშ-ის ჩოგბურთის ღია ტურნირის დასრულებისთანავე.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.