2 კვირაზე ნაკლები რჩება „ბლექ სი არენაზე“ ფრანგული დისკო-პოპ ბენდის L'Impératrice-ის მიერ მოწყობილ მუსიკალურ თავგადასავლამდე და ჩვენც ერთი სული გვაქვს როდის გავხდებით ამ დიდი მოგზაურობის ნაწილი. არსებობის ხანმოკლე, თუმცა ჯადოსნურ პერიოდში, მსოფლიო დონის ვარსკვლავების თანხლებით, „ბლექ სი არენამ“ არა ერთხელ მოახერხა ჩვენი გაოცება, დადებითი ემოციებით დამუხტვა და აღფრთოვანება, თუმცა ამიერკავკასიაში ყველაზე დიდი საკონცერტო არენა 15 აგვისტოს ახალი საკონცერტო გამოცდილებებით გვიბრუნდება.
ყველაზე მნიშვნელოვანი ცვლილება L'Impératrice-ის კონცერტის ლოკაციას შეეხება. 15 აგვისტოს „ბლექ სი არენაზე“ შეკრებილი მსმენელი არა უშუალოდ არენის სცენაზე , არამედ მის ეზოში, Front Stage-ზე გამართული გრანდიოზული დღესასწაულის მონაწილე გახდება. ერთი შეხედვით კონცერტის ლოკაციის ეს მცირე ცვლილება, თანამედროვე დისკოსა და ფრანგული პოპის შერწყმის ჰანგების ტკბობის საშუალებას მოგვცემს. მეტი საცეკვაო ადგილი ხომ ავტომატურად ნიშნავს მეტ ბედნიერ მოგონებას?
15 აგვისტოს კონცერტის ორგანიზატორებმა, ამჯერადაც გაითვალისწინეს მსმენელისთვის კომფორტული და უსაფრთხო გადაადგილების საშუალებების მობილიზება. ამ მოვალეობას თავს, ტრადიციულად, Bene Exclusive • ბენე ექსკლუზივი გაართმევს, ავტობუსები თბილისიდან, ქუთაისიდან და ბათუმიდან გაემართებიან შეკვეთილისკენ. ავტობუსის ბილეთების შეძენა უკვე შესაძლებელია ოფიციალურ ვებ-გვერდზე.
ავტობუსების გარდა, 15 აგვისტოს, თბილისი-ბათუმის მიმართულებით, დამატებითი მატარებელიც დაინიშნება, რომელიც „ბლექ სი არენის“ ბაქანზე გაჩერდება. აღსანიშნავია, რომ ბაქანი საკონცერტო დარბაზთან ძალიან ახლოს მდებარეობს.
მიუხედავად იმისა, რომ შეკვეთილს სხვა ზღვისპირა კურორტებისგან რამდენიმე წუთი აშორებს, L'Impératrice-ის კონცერტზე ჩასულ მსმენელს თავისუფლად შეუძლია არჩევანი უშუალოდ შეკვეთილის მრავალფეროვან სასტუმროებზე გააკეთოს და ფრანგული დისკო-პოპ ბენდის საქართველოში ვიზიტი საკუთარი მოგზაურობის ნაწილად აქციოს.
არ გამოტოვოთ აგვისტოს თვის მთავარი მუსიკალური ღონისძიება, მოასწარით და შეიძინეთ L'Impératrice-ის ბილეთები www.bsa.ge-ზე, კონცერტთან დაკავშირებული დამატებითი ინფორმაციისთვის თვალი ადევნეთ „ბლექ სი არენის“ საკომუნიკაციო არხებს, პარიზული ნუ-დისკო ბენდის შესახებ მეტი ინფორმაციის გასაგებად კი დაელოდეთ thediary.ge-ს სტატიას.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.