თეატრალური მხატვარი, გრაფიკოსი, საქართველოს სახალხო მხატვარი, ზაქარია ფალიაშვილის სახელობის თბილისის ოპერისა და ბალეტის სახელმწიფო თეატრის მთავარი მხატვარი, თბილისის სამხატვრო აკადემიის პროფესორი და შოთა რუსთაველის ეროვნული პრემიის ლაურეატი - მამია მალაზონია, გამოფენა „საიათნოვას“ „გალერეა 9-ში“ გამართავს.
„მ. მალაზონია გვარწმუნებს, რომ არაერთი ენა იცის, კულტურის ენა... ახალი ნამუშევრების ციკლის შექმნის დროს არა მხოლოდ არქიტექტორია ის, არამედ რეჟისორიცაა“ - დავით ანდრიაძე
85 წლის მამია მალაზონიას სახელი კარგადაა ცნობილი ქართული გრაფიკული ხელოვნების მკვლევართა, გამომცემელთა და ზოგადად, წიგნის მოყვარულთა წრეებში. 1962 წლიდან მოყოლებული, იგი აქტიურად მონაწილეობს გამოფენებში. წლების განმავლობაში ის გახლდათ რუსთაველის თეატრის, მარჯანიშვილის თეატრისა და ზაქარია ფალიაშვილის სახელობის ოპერისა და ბალეტის თეატრის მთავარი მხატვარი.
მამია მალაზონიას შექმნილი აქვს ილუსტრაციები შექსპირის, დანტეს, გოგოლის, ვიიონის, ნაბოკოვის, აპოლინერის ნაწარმოებებისათვის, ასევე ქართული და უცხოური ზღაპრებისათვის
59-წლიანი სახელოვნებო მოღვაწეობის მანძილზე მამია მალაზონიას გამართული აქვს15 პერსონალური გამოფენა, გაფორმებული აქვს 90-მდე სპექტაკლი, 16 მხატვრული და ანიმაციური ფილმი. მამია მალაზონიას „საიათნოვას“ ხილვა „გალერეა 9-ში“ 26 ნოემბრამდეა შესაძლებელი.
რატომ „საიათნოვა“? - მ. მალაზონიამ ახალი ციკლის შექმნა განიზრახა და ამ გზით შეგვახედა საუკუნეების წინანდელი, თბილისელი სომეხი პოეტისა და მომღერლის სამყაროში... არუთიუნ საიათიანი, იგივე საიათ-ნოვა დაიბადა 1712 წელს თბილისში. ის ერეკლე || - ის კარის მომღერალი, პოეტი და მუსიკოსი იყო. გადმოცემით დიპლომატის ფუნქციასაც ასრულებდა, 1795 წელს კი ახპატის მონასტერში, აღა-მაჰმად ხანის შემოსევის დროს დაიღუპა. თაობებს დარჩა საიათნოვას 200-ზე მეტი ნაწარმოები, სატრფიალო პოემები და ლექსები სომხურ, თურქულ და ქართულ ენებზე.
სამუშაო საათები:
სამშაბათი - კვირა 13:00 - 20:00
მისამართი: დ.უზნაძის ქუჩა 9, თბილისი, საქართველო
დასწრება უფასოა
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
