მარგო რობი კრისტიან ბეილისა და ჯონ დევიდ ვაშინგტონის ხელიდან თავის დაღწევას ცდილობს. კადრი, რომელიც Just Jared-ის პაპარაცებმა ლოს-ანჯელესის ქუჩაში დააფიქსირეს, დევიდ ო. რასელის ახალი ფილმის ერთ-ერთი სცენაა, რომლის გადაღებებიც უკვე რამდენიმე კვირაა მიმდინარეობს.
ახალი ფილმის შესახებ ჯერ-ჯერობით მხოლოდ ისაა ცნობილი, რომ ნამუშევარი ორიგინალური სცენარის მიხედვით იქმნება, ხოლო ქასთში ისეთი რანგის მსახიობები შედიან, როგორებიც რობერტ დე ნირო, ზოე სალდანა, რამი მალეკი, კრის როკი და სხვები არიან.
რაც შეეხება მარგო რობის, ახალგაზრდა მსახიობს ბოლო 2 წლის მანძილზე შესვენება არ აუღია. 2019 წელს კვენტინ ტარანტინოს Once Upon a Time in Hollywood-ის შემდეგ, რობი შერონ ტეიტის როლში Bombshell-ში მოგვევლინა. როლმა მარგოს კარიერაში საუკეთესო შეფასებები და ოსკარის მეორე ნომინაცია მოუტანა.
კრისტიან ბეილი კი მაყურებელმა ბოლოს ჯეიმს მანგოლდის ფილმში Ford v Ferrari იხილა. ამჟამად მსახიობის მონაწილეობით 2 ახალი ნამუშევარი - Thor: Love and Thunder და ჯერ კიდევ უსახელო Untitled David O. Russell Project მზადდება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
