რეჟისორმა პაბლო ლარეინმა, დღის შუქზე ახალი ბიოგრაფიული დრამის Maria-ს კადრები გამოიტანა. 48 წლის მსახიობი ანჯელინა ჯოლი, რომელიც ფილმში ლეგენდარული ოპერის მომღერლის მარია კალასის როლს მოირგებს, ფოტოებზე ორ განსხვავებულ იმიჯში გვევლინება. ერთში მარიასეული გრაცია და სიამაყე იკვეთება, მეორე ფოტო კი მეტად მელანქოლიური ხასიათისაა და ფილმის სენსიტიურ შინაარსთან უფრო ახლოს დგას.
ნამდვილ ისტორიაზე დაფუძნებული Maria, მოგვითხრობს მსოფლიოს უდიდესი საოპერო მომღერალი ქალის ცხოვრების მღელვარე, ლამაზ და ტრაგიკულ ისტორიას, 1970-იანი წლების პარიზში.
ანჯელინა ჯოლისთან ერთად, პაბლო ლარეინის ახალ ფილმში მონაწილეობენ: პიერფრანჩესკო ფავინო, ალბა რორვაჩერი, ჰალუკ ბილგინერი, კოდი სმიტ-მაკფი და ვალერია გოლინო.
პაბლო ლარეინის წინა ფილმებმა Spencer-მა და Jackie-მ, ოსკარის ნომინაციები კრისტენ სტიუარტს (პრინცესა დიანას როლის შემსრულებელი) და ნატალი პორტმანს (ჟაკლინ კენედი ონასისის როლში) მოუპოვეს. თუ გავითვალისწინებთ იმ ფაქტს, რომ Maria, რეჟისორის ყველაზე დიდი პროექტი იქნება, მოსალოდნელია, რომ ის და მისი შემოქმედებითი გუნდი, საკადრის აღიარებას მოიპოვებენ.
"აღფრთოვანებული ვარ, რომ მაქვს შესაძლებლობა დავიწყო Maria-ს გადაღებები. ვიმედოვნებ, ფილმი შეძლებს და მაყურებელს, მთელი მსოფლიოს გარშემო, მარია კალასისი ღირსშესანიშნავ ცხოვრებას გააცნობს; სტივენ ნაითის შესანიშნავი სცენარის, გუნდის დაუღალავი შრომისა და ანჯელინა ჯოლის ბრწყინვალე შესრულებისა და არაჩვეულებრივი მომზადების წყალობით" - განაცხადა პაბლო ლარეინმა.
კალასს ჰქონდა ვოკალური დიაპაზონი, რომელიც მოიცავდა სამ ოქტავას, რამაც იგი საერთაშორისო საოპერო ვარსკვლავად აქცია. The Guardian-ის ცნობით, იგი გარდაიცვალა პარიზში 1977 წელს გულის შეტევით.
ფილმის გადაღებები 8 კვირა გაგრძელდება და როგორც საფრანგეთში, აგრეთვე საბერძნეთში, ბუდაპეშტსა და მილანში გაიმართება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
