„ოსკარზე“ საერთაშორისო სრულმეტრაჟიანი ფილმის ნომინაციაზე საქართველოს სახელით წარდგენილი „მეოთხე ბრაიტონი“ ყველაზე დიდ დაჯილდოებამდე დიდების მოხვეჭას განაგრძობს და არაერთი პრესტიჟული ჯილდოს მოპოვების შემდეგ საუდის არაბეთის წითელი ზღვის კინოფესტივალის (Red Sea Film Festival) პრიზის მფლობელადაც გვევლინება.
ლევან კოღუაშვილის კომედიურმა დრამამ საუდის არაბეთის წითელი ზღვის კინოფესტივალის პრიზი და ფულადი პრიზი 100 000 დოლარი მოიგო. ლევანს ჯილდო ცნობილმა იტალიელმა რეჟისორმა და კინოფესტივალის ჟიურის თავმჯდომარემ, ჯუზეპე ტორნატორემ გადასცა.
„ნომინანტებმა წარმოაჩინეს ნიჭის წარმოუდგენელი დიაპაზონი, ერთმანეთისგან განსხვავებული თემებით, ეს არაჩვეულებრივი გამოცდილება იყო“ - განაცხადა ტორნატორემ.
ლევან კოღუაშვილის ახალი სრულმეტრაჟიანი ფილმის - „მეოთხე ბრაიტონის“ პრემიერა, ნიუ-იორკის ერთ-ერთ ყველაზე პრესტიჟულ კინოფესტივალზე „ტრაიბეკაზე“ შედგა. „მეოთხე ბრაიტონი“ ქართველი მოჭიდავის ამაღელვებელ ისტორიას გვიყვება. მთავარი გმირი - კახი ბრუკლინში ჩადის, რათა შვილის აზარტული თამაშების ვალი გადაიხადოს. ფილმში კახის როლს ლეგენდარული ქართველი მოჭიდავე, მსოფლიო ჩემპიონატის ხუთგზის და ოლიმპიური თამაშების ორგზის ჩემპიონი - ლევან თედიაშვილი ასრულებს.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
