ბათუმი ყოველთვის კარგი არჩევანია, მაგრამ მოდი ვაღიაროთ ზაფხულს ამ სიცოცხლით სავსე ქალაქში არაფერი შეედრება. ყველაზე ცხელ სეზონზე ბათუმს განსაკუთრებული ენერგეტიკა, მუხტი და ემოციები მოაქვს, რომელიც საყვარელ ქალაქში ისევ და ისევ გვაბრუნებს.
მზის, სანაპიროსა და ქალაქის ესთეტიკის გარდა ბათუმს მეორე სიცოცხლეც აქვს, რომელიც ღამით დაბნელებისას იწყება და დილამდე გრძელდება. ხმაურიანი მუსიკის, ცეკვისა და კოქტეილების მოყვარულები ყოველთვის დიდი ინტერესით ვეძებთ ახალ ლოკაციებს ჯერ კიდევ ბათუმში გამგზავრებამდე რამდენიმე დღით ადრე, რათა დაუვიწყარი შთაბეჭდილებები შევიქმნათ.
დღეს, სწორედ ჩვენს ახალ რჩეულ ლოკაციას - MONO HALL Batumi-ს წარმოგიდგენთ და მეტ დეტალს მის შესახებ მონოჰოლის დამაარსებლისგან, გიორგი კვაშილავასგან, შევიტყობთ.
ახალი ლოკაცია
ბათუმში იქნება მონოჰოლის მეორე ლოკაცია, ერთგვარი ფილიალი, რომელიც ყოველ ზაფხულს უფრო და უფრო მეტ სიახლეს შესთავაზებს მომხმარებელს, ბათუმში მონოჰოლის იდეა წინა წელს ჩატარებული ღონისძიების შემდეგ გაჩნდა და თითქმის 1 წელია ამ პროექტზე მუშაობა მიმდინარეობს.
ახალი ლოკაცია, ახალი ქალაქი, თავისთავად უდიდეს სირთულეებთან არის დაკავშირებული, კოვიდ პანდემიიდან გამომდინარე, პირველ რიგში, ვფიქრობთ მომხმარებლის უსაფრთხოებაზე, შემდეგ კი მათ კომფორტზე, იმედი გვაქვს სწრაფი ტესტებით სრულად უსაფრთხოს გავხდით ჩვენს ვენიუს.
მზადების პროცესი და უკუკავშირი
ჩვენი გუნდი უკვე 2 თვეზე მეტია აქტიურად მუშაობს ჩვენი გეგმების და დაგეგმილი ღონისძიებების მიტანას მომხმარებელთან, ძირითადად სოციალური ქსელებით ვახორციელებთ, გარდა ამისა აქტიურ ფაზაში შევდივართ და ვიწყებთ ტელე და რადიო გადაცემებითაც, რაც შეეხება მომხმარებლის გამოხმაურებას, მოლოდინებს გადააჭარბა, რაც ალბათ უფრო ჩვენს მიერ დაანონსებული არტისტებით არის, როგორც ქართველი ასევე უცხოელი შემსრულებლებით.
სამომავლო გეგმები
ჩვენს საზაფხულო გეგმებზე საუბრისგან ამ ეტაპზე თავს შევიკავებ, რა თქმა უნდა გვექნება გარკვეული სახის სიურპრიზები და მომხმარებელი ამ ყველაფრის შესახებ პერიოდულად გაიგებს. ჩვენს მომხმარებლებს დაუვიწყარ საღამოებს ვპირდებით და ეს უბრალო სიტყვები ნამდვილად არაა, ამაში ყველა ერთად დავრწმუნდებით.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
