16-დან 20 ივნისის ჩათვლით, მონაკომ, საერთაშორისო სატელევიზიო ფესტივალს, რიგით 62-ე Monte-Carlo Television Festival-ს უმასპინძლა. პრინცი რანიე III-ის მიერ 1961 წელს დაარსებული, მონტე-კარლოს სატელევიზიო ფესტივალი, ყოველწლიურად სატელევიზიო სტუდიებს, სამაუწყებლო ქსელებს, ციფრულ პლატფორმებს და გამორჩეული ნიჭის მქონე შემოქმედებს, თავს ერთ სივრცეში უყრის და ფესტივალის ფარგლებში, საუკეთესოებს, ოქროს ნიმფას ჯილდოსაც გადასცემს.
დაჯილდოების ცერემონია, ტრადიციულად, დასკვნით საღამოს გაიმართა, 20 ივნისს 18 ნომინაციაში გამარჯვებულები საჯაროდ გამოვლინდნენ. საუკეთესო მხატვრული ფილმის ნომინაციაში წელს, ფრანგულმა ფილმმა Le Colosse aux Pieds d’Argile-მა მოიპოვა გამარჯვება, საუკეთესო სატელევიზიო სერიალად კი ავსტრალიური-ბრიტანული პროდუქცია Ten Pound Poms იქცა.
საპატიო ოქროს ნიმფის ჯილდო ცნობილ ჰოლივუდელ პროდიუსერსა და მწერალ ჰოვარდ გორდონს პირადად გადასცა მისმა უდიდებულესობამ მონაკოს პრინცესა შარლინმა. საპატიო ნიმფა არის ფესტივალის უმაღლესი ჯილდო, რომელიც ინდუსტრიაში შეტანილი განსაკუთრებული წვლილისთვის ენიჭება გამარჯვებულს. ჰოვარდ გორდონი არის სცენარისტი და ჰოლივუდის პროდიუსერი ისეთი ეკრანიზაციების, როგორებიცაა: X-Files, Homeland and Accused, Aux frontières du réel და 24 heures chrono.
გასული კვირის განმავლობაში ფესტივალმა უმასპინძლა საპრემიერო ჩვენებების გამორჩეულ ხაზს: ხუთდღიანი ღონისძიების განმავლობაში წარმოდგენილი იყო ოთხი მსოფლიო, ოთხი საერთაშორისო, ერთი ევროპული და ორი ფრანგული პრემიერა.
რასაკვირველია, ყურადღების ცენტრში მოექცა მონტე-კარლოს სატელევიზიო ფესტივალის წითელი ხალიჩაც, რომელმაც კინოინდუსტრიის არა ერთ ცნობილ სახეს უმასპინძლა და არამარტო:
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.