ქართული სახვითი ხელოვნების მუზეუმის დროებით საგამოფენო დარბაზში ნატო სირბილაძის რეტროსპექტული გამოფენა - „ძველი მეხსიერების სურათები“ გაიხსნა. სახვითი ხელოვნების მუზეუმმა და ხელოვანმა სოლო გამოფენა უკრაინელ ხალხს მიუძღვნეს, მათ ვისაც ნებისმიერი თანადგომა ახლა ყველაზე მეტად სჭირდებათ.
ექსპოზიცია წარმოადგენს ხელოვანის ერთგვარ ბიოგრაფიულ მონოლოგს. გამოფენაზე თავს იყრის მხატვრის შემოქმედების მნიშვნელოვანი ეტაპები, რომლებიც წარმოაჩენს განვითარების ქრონოლოგიურ ხაზს 1980-იანი წლების მეორე ნახევრიდან დღემდე. თვითნაბადი ფერმწერის ზოგადი ხელწერა სრულიად ახალი ტალღაა ქართულ სახელოვნებო სივრცეში.
ნატო სირბილაძის დროში დაკარგული, უმისამართო პერსონაჟები, პატარა არსებები, ცხოველები, გასულიერებული ნივთები, კულტურული და რელიგიური გმირები თითქოს წარმოადგენენ ერთიანი რომანის ქვეთავებს. გამოფენაზეც ზღაპარი და ფსიქოდელია ერთიანდება. ამ გზით დამთვალიერებელი დასვამს კითხვას, რომელზეც გაუჭირდება პასუხის გაცემა: თუ სად ივლება ზღვარი რეალობასა და ფანტაზიას შორის.
ნატო სირბილაძე დაიბადა 1955 წელს თბილისში. სკოლის დამთავრების შემდეგ, სწავლა პედაგოგიურ ინსტიტუტში განაგრძო. მან ხატვა 31 წლის ასაკში დაიწყო, პროფესიული წვრთნის უქონლობამ მხატვარს ხელი შეუწყო მისთვის დამახასიათებელი მხატვრული ხელწერა აღმოეჩინა.
ნახატები ძირითადად შესრულებულია ქაღალდზე აკვარელით და გუაშით. ნატო სირბილაძის მხატვრობა გამოირჩევა თემატიკისა და ტექნიკის მრავალფეროვნებით.
მხატვარი მკვეთრად განსხვავდება თბილისის სკოლისთვის დამახასიათებელი ხელწერისაგან და მისი თაობის არტისტებისგან. არანაირი ტრადიციების გაგრძელება - პირიქით, სრულ დისონანსშია დამკვიდრებულ სახელოვნებო ნორმებთან. მისი ძიება და არტისტიზმი ერთგვარი დაკვირვებაა ცხოვრებასა და კაცობრიობის მეხსიერებაზე, „ძველ მეხსიერებაზე“, სადაც სირთულე სიმარტივეშია.
სწორედ ეს ნაივური თხრობა და ოპტიკური სისუფთავე, ფერთა ზეიმი წარმოადგენს ერთგვარ ძველ მეხსიერებას, სადაც „უცნობი“ და „ნაცნობი“ ერთმანეთს დიდი ხნის შემდეგ ხვდება. მხატვარს ხშირად ადარებენ თავისი პირდაპირი და ცალსახა გამომსახველობის თუ „ფერწერული ნიღბების“ გამო ნიკო ფიროსმანაშვილის ყოვლისმომცველ სიმარტივეს.
ქართული სახვითი ხელოვნების მუზეუმში ძველი მეხსიერების სურათები 1-ელ აპრილამდე გაგრძელდება.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
