ფანტასტიკის ჟანრის მოყვარულებს ამ სიახლის გაგების შემდეგ, ტანში ჟრუანტელი დაუვლით! Netflx მორიგ სენსაციას გვიმზადებს. რეჟისორი - პოლ ფეიგის ახალი ფილმის The School for Good and Evil ქასთი ცნობილია. სომან ჩაინანის წიგნის ადაპტაციაში მთავარ როლებს შარლიზ თერონი და კერი ვაშინგტონი შეასრულებენ.
კინო მოყვარულებს სიახლე twitter-ის საშუალებით თავად ფილმის რეჟისორმა გაანდო. მოგვიანებით Instagram-ზე ფოტო შარლიზ თერონმაც გამოაქვეყნა, რომელსაც ფრაზა - „Let's Go!" დაურთო.
The School for Good and Evil საუკეთესო მეგობრების - სოფისა და აგატას შესახებ მოგვითხრობს. ისინი პრესტიჟულ აკადემიაში სწავლობენ, სადაც ჩვეულებრივ გოგონებსა და ბიჭებს ზღაპრის დადებით და ბოროტ პერსონაჟებად ზრდიან. სოფი დარწმუნებულია, რომ ის კონკიასა და ფიფქიას გზას გაჰყვება, ხოლო აგატა ბოროტების კლასისთვის იდეალური კანდიდატი ჩანს. სინამდვილეში, ყველაფერი პირიქით ხდება.
შარლიზ თერონისთვის ბოროტი პერსონაჟის იმიჯი უცხო ნამდვილად არაა. Snow White and the Huntsman-ში შესრულებული დედოფლის როლის შემდეგ, მსახიობი „ბოროტების კლასის" დეკანად მოგვევლინება.
კერი ვაშინგტონისთვის კი Scandal-ის შემდეგ ზღაპრული გმირის იმიჯი ნამდვილად სიახლეა. პროფესორი კლარისა დოვი „კეთილების კლასის" დეკანი და შარლიზ თერონის გმირის უახლოესი მეგობარია.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
