პანდემიის პირობებში Netflix-ის კინოთეკა ზეპირად გექნებათ ნასწავლი, თუმცა თუ ეს სერიალი ჯერ კიდევ არ გინახავთ, შეგიძლიათ თავისუფალი დრო და სასუსნავი მოიმარაგოთ და Snowpiercer-ს ჩაუჯდეთ! ჯოშ ფრეიდმანის სერიალში მოქმედება მეორე გამყინვარებიდან 7 წლის შემდეგ ვითარდება.
ყინვას გადარჩენილი დედამიწელები ახალ სამყაროს 1001 ვაგონისგან შემდგარ თოვლის მჭრელში ქმნიან, რომელიც გამუდმებით მოძრაობს, გაჩერების შემთხვევაში კი გაიყინება. მატარებელი კლასებადაა დაყოფილი, პირველ კლასსა და კუდს შორის კი რადიკალურად დიდი სხვაობაა.
სერიალის სახელი შესაძლოა საეჭვოდ გეცნოთ. ეს იმიტომ, რომ ამავე სახელწოდების ფილმი ეკრანებზე ჯერ კიდევ 2013 წელს გამოვიდა, ხოლო ამავე სიუჟეტის გრაფიკული ნოველები ჯერ კიდევ 1982 წლიდან არსებობს.
ფილმი გამყინვარებიდან 15 წლის შემდგომ ისტორიას მოგვითხრობს, სერიალში კი დიდი გამყინვარების ჯერ მხოლოდ 7 წელია გასული. კლასობრივი ომის, სოციალური უთანასწორობისა და გადარჩენისთვის ბრძოლის პირობებში კაცობრიობის ბედ-იღბალი ისევ კითხვის ნიშნის ქვეშ დგას.
Netflix-ის სერიალში მთავარ როლებს ჯენიფერ კონელი, დევიდ დიგსი, შონ ბინი და სხვა ვარსკვლავები ასრულებენ. გირჩევთ სერიალის შემდეგ 2013 წლის ფილმსაც უყუროთ, ხოლო თუ კიდევ უფრო მეტად ჩაღრმავებას გადაწყვეტთ, ინტერნეტში ფრანგული გრაფიკული ნოველა Le Transperceneige უნდა მოიძიოთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.