ქართულ, ინგლისურ და ფრანგულ ენაზე დაწერილი სიმღერა „დავთვალოთ ღიმილები“ (Let's Count The Smiles), 19 დეკემბერს პარიზში, „ლა სენ მუსიქალის“ სცენაზე გაჟღერდება. რიგით მე-19 საბავშვო ევროვიზიაზე საქართველოს სახელით ერთ-ერთი ყველაზე პოზიტიური, ენერგიული და მუსიკალური ბიჭი, ნიკო ქაჯაია მე-2 ნომრად წარდგება.
10 წლის ნიკო ქაჯაიამ საბავშვო ევროვიზიაზე საქართველოს წარმომადგენლის საგზური საზოგადოებრივი მაუწყებლის მუსიკალურ შოუ „რანინაში“ გამარჯვების შემდეგ მოიპოვა. 19 დეკემბერს ქართველი კონკურსანტი ევროვიზიის სცენაზე გიგა კუხიანიძის სიმღერას - „დავთვალოთ ღიმილები“ შეასრულებს. ამ სიმღერას ყველაფერი აქვს: გრძნობა, ემოცია და მარტივად დასამახსოვრებელი მელოდია, იმისთვის, რომ ნიკომ მაქსიმალურად გამოავლინოს თავისი ნიჭიერება და მინიმალური ცეკვის ელემენტებით მთელი დარბაზიც და მაყურებელიც აიყოლიოს.
19 დეკემბერს, რიგით მე-19 საბავშვო ევროვიზიაზე, მთელი მსოფლიოდან 19 ქვეყანა იღებს მონაწილეობას. საქართველოს დელეგაცია უკვე იმყოფება პარიზში. ნიკომ პირველი რეპეტიციაც გამართა და უცხოურ საიტებზე ჩატარებულ გამოკითხვებში უკვე ერთ-ერთ ფავორიტადაც მოიაზრება.
პრესტიჟული საერთაშორისო კონკურსის გამარჯვებულს 19 დეკემბერს ჟიური და მაყურებელი გამოავლენს. შეგახსენებთ, რომ ონალინ ხმის მიცემა 2 დღეში დაიწყება. 17 დეკემბერს 23:00 საათიდან საბავშვო ევროვიზიის ოფიციალურ ვებგვერდზე Junioreurovision.tv-ზე შესაძლებლობა მოგეცემათ ნიკო ქაჯაიას მოსალოდნელ გამარჯვებაში დიდი წვლილი შეიტანოთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.