გენიალური POSE-ის მესამე სეზონი ეკრანებზე 2 მაისს გამოვა. სტივენ კანალსის დრამა, რომლის მთავარი გმირებიც ტრანსგენდერი ქალები არიან, მე-3 სეზონით დასრულდება, სერიალის შემქმნელები კი 7 განუმეორებელ სერიას გვპირდებიან.
Pose-ის პირველი სეზონი FX-ის პლატფორმაზე 2019 წელს გამოვიდა. თვალისმომჭრელი კოსტიუმებით, ენითაღუწერელი მხატვრობითა და სულისშემძვრელი ისტორიებით, სერიალმა მაყურებლის დატყვევება მალევე მოახერხა. ერთი წლის შემდეგ კი პროექტმა Netflix-ზე გადაინაცვლა და მაყურებლის წინაშე მეორე სეზონით წარსდგა.
სერიალში ისტორია 1980-იანი წლების ნიუ იორკში, შიდსის ინფექციის აფეთქების პერიოდში ვითარდება, როდესაც LGBTQIA თემის წარმომადგენლები თვითგადარჩენისთვის იბრძოდნენ და საერთო სახლებში ცხოვრობდნენ.
სერიალის ვარსკვლავები ემჯეი როდრიგესი, ინდია მური, დომინიკ ჯექსონი, ბილი პორტერი და LGBTQIA თემის სხვა წევრები არიან. Pose პირველი სატელევიზიო პროექტია, რომლის ქასთის უმეტესი ნაწილის აფრიკელ-ამერიკელი ტრანსგენდერი ქალები არიან. ინტერნეტში უკვე გავრცელდა მე-3 სეზონის ტრეილერი, რომელიც პროექტის გულშემატკივრებს მოლოდინს კიდევ უფრო გაუმძაფრებს. ამჯერად სერიალში მოვლენები 1994 წელს ვითარდება.
Pose-ის შემქმნელებისგან უკვე ისიც ვიცით, რომ სერიალი მე-3 სეზონით დასრულდება. ამ უკანასკნელის გამოსვლა უფრო ადრე იგეგმებოდა, მაგრამ პრემიერა პანდემიის გამო გადაიდო. სეზონის პირველი 2 სერია Netflix-ზე 2 მაისს გამოვა, სეზონის შვიდივე ეპიზოდს კი 6 ივნისისთვის ვიხილავთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
