კიდევ ერთი სასიამოვნო სიახლე მუსიკალური თავგადასავლების მოყვარულთათვის, 15 აგვისტოს „ბლექ სი არენა“ ფრანგული დისკო-პოპ ბენდის L’Impératrice-ს კონცერტს Front Stage-ზე უმასპინძლებს. Front Stage შავი ზღვის არენის ექსპერიმენტული სცენაა და ღონისძიებების ღია სივრცეში გამართვის საშუალებას იძლევა.
ფრანგული დისკო-პოპ ბენდი L’Impératrice 2012 წელს დაფუძნდა. თანამედროვე დისკოსა და ფრანგული პოპის შერწყმით შექმნილმა მუსიკამ L’Impératrice-ს მსოფლიოს მასშტაბით გაუთქვა სახელი და თანამედროვეობის ერთ-ერთ ცნობილ ბენდად ჩამოაყალიბა. ბენდის წევრები არ მალავენ, რომ მათი მთავარი შთაგონების წყარო Daft Punk იყო.
ცხრაწლიანი არსებობის განმავლობაში L’Impératrice-მა უკვე ორი ალბომი და რამდენიმე მინი ალბომი ჩაწერა. ფრანგული ბენდისთვის განსაკუთრებით წარმატებული აღმოჩნდა სინგლები Sonate Pacifique და Agitations Tropicales.
„ბენდის ბოლო ნამუშევარი Tako Tsubo 2021 წელს გამოვიდა და კრიტიკოსების დადებითი შეფასებები დაიმსახურა. სწორედ ამ ალბომით დაანონსებული ტურის ფარგლებში ეწვევა ბენდი საქართველოს და კონცერტს Black Sea Arena-ის ეზოში გამართავს“, – ნათქვამია ღონისძიების ორგანიზატორთა განცხადებაში.
L’Impératrice-ის ბილეთების შეძენა 2 მაისის 12:00 საათიდან, „ბლექ სი არენას“ ვებგვერდ www.bsa.ge-ს საშუალებით იქნება შესაძლებელი. ბილეთები კალათებად გაიყიდება: პირველი კალათა – 80₾; მეორე კალათა – 100₾ და კარზე – 120₾.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
