შონდა რაიმსის სატელევიზიო დრამა ყველა დროის რეკორდს ხსნის. სამედიცინო სერიალი, რომელსაც მაყურებელი თვალს უკვე 17 სეზონია ადევნებს, ნელ-ნელა დასასრულს უახლოვდება. Grey's Anatomy-ის თაყვანისმცემლებისთვის კი მერიდიტ გრეის გადარჩენა-არ გადარჩენის საკითხი ნამდვილ თავსატეხად იქცა.
ყურადღება! SPOILER!!!
სერიალის მე-17-ე სეზონი მთლიანად COVID 19-ის თემას მოიცავს, შესაბამისად, რეალური ცხოვრების პარალელურად, ნერვიულობა გრეის, მისი კოლეგების და სერიალის სხვა გმირების ჯანმრთელობაზე გვიწევს. გარდა ამისა, მსახიობები მცირე sneak peak-ებს სოციალური ქსელების საშუალებით გვიზიარებენ და მომდევნო სერიების მიმართ ინტერესს კიდევ უფრო ზრდიან. რამდენიმე დღის წინ ეიპრილ კეპნერის როლის შემსრულებელმა, სარა დრიუმ საკუთარ ინსტაგრამ გვერდზე ჯესი უილიამსთან ერთად გადაღებული ვიდეო ატვირთა. მოგეხსენებათ, რომ სარა დრიუსა და ჯესის გმირები ეკრანზე ყოფილი მეუღლეების როლებს ასახიერებენ.
სარამ ვიდეოს ჰეშთეგი #japril გაუკეთა და ისიც აღნიშნა, რომ ვიდეო გადასაღებ მოედანზეა ჩაწერილი. საკუთარ ინსტაგრამ გვერდზე ვიდეო ჯესი უილიამსმაც გამოაქვეყნა. მსახიობი მანქანაში ვიდეო გადაღებისას ჯდება, კადრში კი მანქანის უკანა სავარძელზე სარა დრიუს ხედავს და გაოგნებულ სახეს იღებს.
მოგეხსენებათ, რომ სარა დრიუმ სერიალი გასული სეზონის ბოლოს დატოვა, მისი გადასაღებ მოედანზე გამოჩენა კი იმას ნიშნავს, რომ ჟღალთმიან კეპნერსა და მის ნამდვილ სიყვარულს სერიალში კიდევ ერთხელ ვიხილავთ.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.
