ინფორმაციას იმის შესახებ, რომ რეზო გაბრიაძის ანიმაციური ფილმი Netflix-ზე მოხვდა, უკვე ბევრი გაიგებდით. წამიერი სიამაყე კი მალე შეკითხვად გადაიქცეოდა: და რატომ გვიხარია წარმოშობით ქართველი ხელოვანის ფილმის წარმატება, რომელიც საერთაშორისო ასპარეზზე რუსული პროდუქტის სახელით მოხვდა?
რეზო გაბრიაძის ანიმაცია რუსეთის ფედერაციის კულტურის სამინისტროს მიერაა დაფინანსებული. ფილმის ბოლოს ტიტრებიც რუსულ ენაზეა გაკეთებული. ნამუშევრის რეჟისორი რეზო გაბრიაძის შვილი, რუსეთში მცხოვრები და მოღვაწე ლევან გაბრიაძეა.
რეზო გაბრიაძე ერთ-ერთი ყველაზე გამოჩენილი ქართველი რეჟისორი, მხატვარი და მწერალია. არც იმის დავიწყებაა შესაძლებელი, თუ რამდენი გენიალური სცენარია მის ანგარიშზე, მაგალითად: „მიმინო", „შერეკილები" და სხვა. თუმცა, სწორედ რეჟისორის გამორჩეულობის გამოა, რომ ანიმაციური ფილმის „რუსული ელფერით” წარმატებას „ქართველობაზე” ვერ და არ მივიწერთ.
რეზო გაბრიაძის მოთხრობებისა და მოგონებების მიხედვით შექმნილი ანიმაცია - Rezo („Знаешь, мама, где я был?“) კინოაკადემიის დაჯილდოების მოკლე სიაში მოსახვედრადაც იბრძოდა, თუმცა იქაც რუსეთის სახელით.
ფრაზა - „კულტურა და პოლიტიკა უნდა გავმიჯნოთ” ამ შემთხვევაში არარელევანტურია.
სამწუხაროა, რეზო გაბრიაძე არც პირველია და არც უკანასკნელი, ვინც საკუთარი შემოქმედებისთვის „ფართო” ასპარეზზე გასვლის შესაძლებლობას „მეზობელ” რუსეთში ეძებს. ასევე სამწუხაროა, რომ საქართველო კინო ინდუსტრიაში არსებული ამჟამინდელი მდგომარეობით ვერ დაიკვეხნის, მაგრამ ეს იმ ფაქტს არ აბათილებს, რომ რუსეთი მტერია, კულტურა კი ერთ-ერთი ყველაზე ძლიერი პოლიტიკური იარაღი.
Academy Museum-ში გამართულ კინემატოგრაფიის დღესასწაულის ფონზე გაშლილი წითელი ხალიჩა კაშკაშა ვარსკვლავებმა დაიპყრეს. ერთად გადავავლოთ თვალი ჰოლივუდის გამორჩეული სახეების ავანგარდულ, გლამურულ თუ სადა და ელეგანტურ ლუქებს.
ფილმი, რომელშიც მთავარ როლებს ჩენინგ ტატუმი და ნაომი აკი ასრულებენ, აგვისტოში გამოვიდა, თუმცა პოპულარობა P. Diddy-ს სკანდალის ფონზე მოიპოვა. სოციალურ ქსელებში რეპერსა და ჩენინგ ტატუმის პერსონაჟ, სლეითერ კინგს შორის ავლებენ პარალელს.
გოგონებო, პრინცესას კაბები მოამზადეთ, დედოფალი მია თერმოპოლისი მალე ისევ ეწვევა თავის სამეფოს. უკვე დიდი ხანია ვიცით, „პრინცესას დღიურები“ ტრილოგიით ბრუნდება, თუმცა არ იყო ცნობილი ვიხილავდით თუ არა მასში ენ ჰეთევეის. რამდენიმე დღის წინ კი, მსახიობმა თავად გაგვიზიარა ემოციები მესამე ნაწილში მონაწილეობის შესახებ.